Zebur 2 - Мукаддес Китап

2‑нҗи мезмур

¹ Миллетлер арасындакы башбозарлык нәме? Халклар нәмә бидерек питне турузяр?

² Реббе ве Онуң сайланына гаршы дүнйә шалары аяга галяр; хөкүмдарлар биригйәр ве баш галдыряр.

³ Олар шейле диййәр: «Сыпырып ташлалың гандалларыны хем-де гыралың зынҗырларыны».

⁴ Гөклерде отуран Таңры оларың үстүнден гүлйәр хем-де олары масгаралаяр.

⁵ Шонда олара гахар билен йүзленер, газабында олары эймендирер:

⁶ «Мукаддес дагым Сионда Мендирин Өз патышамы отурдан».

⁷ Патыша: «Мен Реббиң перманыны ыглан эдейин» диййәр. «Сен Мениң оглумсың, – дийди Ол маңа – бу гүн Атаң болдум Мен.

⁸ Менден диле, саңа берейин миллетлери мирас хөкмүнде, тутуш әлем-җаханы мүлк хөкмүнде.

⁹ Сен олары демир хасаң билен дөверсиң, күйзегәриң голчасы дей чым-пытрак эдерсиң».

¹⁰ Шейлеликде, эй, патышалар, пайхаслы болуң; дүнйә хөкүмдарлары, шундан хабарлы болуң:

¹¹ Реббе гуллук эдиң сиз горкы билен: хем галпылдаң, хем-де шатланың.

¹² Оглы өпүң, ёгса ол газаба мүнер, сиз хем хеләк боларсыңыз өз ёлуңызда, чүнки тиз туташяр онуң газабы. Оны пена эдинйәнлериң әхлиси багтлы.