Zebur 19 - Мукаддес Китап

19-нҗы мезмур

¹ Айдымчылар топарының ёлбашчысына. Давудың мезмуры.

² Мушакгатлы гүнде Реб саңа җогап берсин, Якубың Худайы сени горасын.

³ Ол саңа мукаддес өйден ярдам иберсин хем-де Сиондан сени голдасын.

⁴ Сениң әхли садакаларыңы, гой, яда салсын, якма гурбанлыкларыңы кабул эйлесин. Села

⁵ Йүрек арзувларыңы Ол хасыл этсин, әхли максатларыңа сени етирсин.

⁶ Сениң еңшиңе җошуп шатланарыс, Худайымызың адына байдаклар дикерис. Гой, Реб сениң әхли дилеглериңи битирсин.

⁷ Мен инди билйәрин: Өз сечип-сайланыны Реб халас эдер. Ол голуның гудратлы ишлери билен, җогап берер Өз мукаддес гөгүнден.

⁸ Кәбирлери сөвеш арабаларына, кәбирлери-де бедевлерине буйсаняр, биз болса Худайымыз Реббиң адына буйсаняндырыс.

⁹ Олар бүдрәр хем-де йыкылар, биз болса турарыс хем дик дурарыс.

¹⁰ Я Реб! Патышаны халас эт, чагыран вагтымызда бизе җогап бер.