Zebur 149 - Мукаддес Китап

149-нҗы мезмур

¹ Реббе шан-шөхрат болсун! Реббе тәзе нагма айдың, садыклар җемагатында Оңа өвгүлер айдың!

² Ысрайыл Яраданына шатлансын! Сион перзентлери Шасына, гой, бегенсин!

³ Олар танс эдип, Оны шөхратландырсын, депрекде, лирада Оңа мукамлар чалсын!

⁴ Чүнки Реб Өз халкындан гөвнүхош боляр, Ол песпәллери гутулыша беслейәр.

⁵ Садыклар акланып, гой, бейгелсинлер, дүшеклеринде шатланып, нагма айтсынлар.

⁶ Диллеринде Худая өвгүлер болсун, эллеринде икийүзли гылычлар болсун.

⁷ Олар миллетлерден, гой, өч алсынлар, халклара җеза берсинлер.

⁸ Патышаларыны зынҗырласынлар, асылзадаларына гандал урсунлар.

⁹ Олар бабатда язылан хөкүми берҗай этсинлер! Мунуң өзи садыкларың бары үчин хорматдыр. Реббе шан-шөхрат болсун!