Zebur 139 - Мукаддес Китап

139-нҗы мезмур

¹ Айдымчылар топарының ёлбашчысына. Давудың мезмуры.

² Я Реб, яманлардан мени халас эт, залым адамлардан мени пенала.

³ Олар бетниетлери йүрегине дүвйәр, олар дынгысыз уруш турузяр.

⁴ Олар йылан ялы диллерини йителдйәр, агызларында йылан зәхери бардыр.

⁵ Я Реб, мени эрбедиң элинден сакла хем-де залым адамдан гора. Олар аягыма бадак атмак ислейәр.

⁶ Текепбирлер маңа гизлин дузак гойдулар, торларының йүплерини язып гойдулар, ёлуң гырасында мениң үчин гапан гурдулар. Села

⁷ Реббе дийдим: «Мениң Худайым Сенсиң, я Реб, дады-перядымың сесини эшит.

⁸ Эй, Хөкмүрован Реб, гүйчли Халасгәримсиң сөвеш гүни башымы Сен горандырсың.

⁹ Я Реб, эрбет адамы мырадына етирме, онуң бетниетлери берҗай болмасын, ол бейгелмесин!» Села

¹⁰ Мени габанларың агзындан чыкан гаргышлар, гой, оларың өз башларындан инсин.

¹¹ Оларың үстүне көйдүриҗи көзлер дөкүлсин, гой, олар ода, чуң горпа дүшсүн, гой, олар асла чыкып билмесин.

¹² Төхметчилер юртда, гой, орнашмасын, бетбагтлык залым адамы, гой, ав эдинсин.

¹³ Билйәрин: Реб эзиленлериң ишине гарар, мәтәчлере адалатлы карар чыкарар.

¹⁴ Догрулар Сениң адыңа шүкүр эдерлер, догры ынсанлар хузурыңда месген тутарлар.