Zebur 129 - Мукаддес Китап

129-нҗы мезмур

Зыярат нагмасы

¹ Я Реб, чуңлуклардан чагырян Сени.

² Эй, Таңры, эшит сесими, дат-перятларымың сесини гулагың диңлесин үнсли.

³ Я Реб, гүнәлери хасаба алсаң, я Таңры, хузурыңда ким дуруп билер?

⁴ Эмма Сенден горкарлар ялы, Сенде бардыр гечиримлилик.

⁵ Мен Реббе интизар, җаным интизар, мен Онуң сөзүне умыт баглаян.

⁶ Гаравуллар даңың атмагына интизар, хава, гаравуллар даңың атмагына интизар, мениң җаным шондан хем көп Таңра интизар.

⁷ Эй, Ысрайыл, Реббе багла өз умыдыңы: Реб садык сөйгүсини гөркезйәр, Ол хемише халас этмәге тайяр.

⁸ Ысрайылы әхли гүнәлеринден Ол халас эдер.