Zebur 128 - Мукаддес Китап

128‑нҗи мезмур

Зыярат нагмасы

¹ «Маңа яшлыгымдан бәри көп хүҗүм этдилер – – дийип, инди Ысрайыл айтсын. –

² Маңа яшлыгымдан бәри көп хүҗүм этдилер. Йөне менден үстүн чыкмадылар.

³ Сүрүмчилер мениң аркамы сүрдүлер, олар узын кешлерини чекдилер».

⁴ Эмма вепалы Реб эрбетлериң танапларыны гырып ташлады.

⁵ Сионы йигренйәнлериң әхлиси гой, утанып, ызына дөнсүн.

⁶ Гой, олар үчекде гөгерип, гүллемәнкә солян от кимин болсун.

⁷ Ондан оракчы гысымыны долдурмаз, дессе богян гуҗагыны долдурмаз.

⁸ «Чәҗиңе берекет! Өмрүңе берекет!» дийип, өтегчи айтмаз.