Zebur 126 - Мукаддес Китап

126-нҗы мезмур

Сүлейманың зыярат нагмасы

¹ Эгер өйи Реб бина этмесе, оны бина эдйәнлериң азабы пучдур. Эгер шәхери Реб горамаса, гаравулың оя дурмагы пучдур.

² Экленмек үчин дер дөкмегиңиз, ир туруп, гич ятмагыңыз пучдур. Хава, Ол сөййәнине хатда ятырка-да рысгал берйәндир.

³ Чагалар Ребден болан мирасдыр, ятгының мивеси Ондан сылагдыр!

⁴ Яшлык чагының огуллары эдермениң элиндәки пейкамлар ялы:

⁵ сагдагыны олардан долдуран багтлы! Ол дервезеде душманы билен гүрлешен вагты утандырылмаз.