Zebur 120 - Мукаддес Китап

120‑нҗи мезмур

Зыярат нагмасы

¹ Гөзлерими дага айлаян маңа ярдам ниреден гелер?

² Ярдам гелер ери, гөги ярадан Ребден.

³ Ол сениң аягыңы тайдырмаз, сени гораян Худай иркилмез.

⁴ Серет, Ысрайылы гораян Худай не уклар, не-де иркилер.

⁵ Реб сениң Аркадагыңдыр, Реб сагыңдакы көлегәңиңдир.

⁶ Гүнортан чагы Гүн сени урмаз, гиҗесине Ай зепер етирмез.

⁷ Реб сени бела-бетерден горар, Ол сениң җаныңы горар.

⁸ Шиндиден асырларбойы, Реб горар гиришиңи хем чыкышыңы.