Zebur 12 - Мукаддес Китап

12‑нҗи мезмур

¹ Айдымчылар топарының ёлбашчысына. Давудың мезмуры.

² Я Реб, хачана ченли маңа назар салҗак дәл? Сен мени бакы унудайҗакмы? Хачана ченли гизлеҗек менден йүзүңи?

³ Хачана ченли җаным гайгы этмели, йүрегим-де узаклы гүн гусса чекмели? Хачана ченли душманым үстүн чыкарка?

⁴ Назар сал-да, маңа җогап бер, я Бейик Худайым! Гөзлериме нур бер, өлүм укусына гитмезим ялы.

⁵ Душманым: «Ондан өкде гелдим» диймесин, йыкылмайын, ягыларым, гой, шатланмасын.

⁶ Мен болса бил багладым садык сөйгиңе, йүрегим халас эдишиңе бегенер. Мен Реббе нагма айдарын, себәби Ол маңа җомартлык этди.