Zebur 112 - Мукаддес Китап

112‑нҗи мезмур

¹ Реббе шан-шөхрат болсун! Эй, Реббе хызмат эдйәнлер, шөхратландырың, Реббиң адына шан-шөхрат болсун!

² Шиндиден эбедә ченли Реббиң ады алкышлы болсун!

³ Гүнүң догян еринден батян ерине ченли, Реббиң адына шан-шөхрат болсун!

⁴ Реб әхли миллетлерден белентде, Онуң шан-шөхраты гөклер үстүнде.

⁵ Эйсем Худайымыз Реб кимин бармы? Ол гөклерде отуран болса-да,

⁶ эглип, гөге, ере назар айлаяр.

⁷ Ол гарыплары ерден галдыряр, мәтәчлери күл ичинден чыкаряр,

⁸ олары шазадаларың янында, Өз халкының шазадалары билен отурдяр.

⁹ Өнелгесиз аялың өйүни дикйәр, оны чагаларына гувандырып, багтыяр эдйәр. Реббе шан-шөхрат болсун!