Zebur 11 - Мукаддес Китап

11‑нҗи мезмур

¹ Айдымчылар топарының ёлбашчысына. Секиз киришли саз гуралында. Давудың мезмуры.

² Халас эт, я Реб, садык адам галмады, адамзат арасындан ынамдарлар йитирим болды.

³ Олар бири-бирине ялан сөзлейәр; яранҗаң диллери икигепли гүрлейәр.

⁴ Гой, Реб әхли яранҗаң агызлары, бадыхова гүрлейән диллери кессин.

⁵ Олар шейле диййәр: «Дилимиз аркалы үстүн чыкарыс, агыз өзүмизиңки – ким бизе хоҗайын чыкян?»

⁶ Гарыпларың эзилишинден, мәтәчлериң ахындан яңа Реб шейле диййәр: «Мен шу пурсат турарын, олары күйсейән ховпсузлыгына говушдырарын».

⁷ Реббиң сөзлери сап сөзлердир, тоюн күресинде арассаланып, еди гезек сапланан күмүш киминдир.

^8-9 Эрбетлер гезйәр әхли ерлерде, адамзат яманлыга хормат гоянда. Я Реб, Сен бизе пена боларсың, бизи бу адамлардан бакы горарсың.