Zebur 109 - Мукаддес Китап

109-нҗы мезмур

Давудың мезмуры

¹ Худай реббиме шейле сөзледи: «Душманларыңы аяк астына салянчам, Мениң сагымда отур».

² Реб Сиондан узадар шалык хасаңы, душманларыңа йөрет сен өз хөкүмиңи.

³ Сөвеш гүнүңде герчеклериң мукаддес шөхрата бесленип, мейлетин болар, яшлыгың сәхер чыгы дей доланып гелер.

⁴ Реб ант ичди, Ол ондан дәнмез: «Мәликсадык дереҗесиндәки мүдимилик руханысың сен».

⁵ Таңры сениң тарапдарыңдыр: Ол газаба мүнен гүнүнде шалары күл-пеекун эдер.

⁶ Реб миллетлере хөкүм чыкарар, оларың юрдуны ләшлеринден долдурар. Ол тутуш ериң йүзүнде баштутанлары күл-пеекун эдер.

⁷ Сен болса ёлдакы чешмеден ичип, өз башыңы белент тутарсың.