Zebur 100 - Мукаддес Китап

100‑нҗи мезмур

Давудың мезмуры

¹ Мен садыклык ве адалат барада нагма айдарын, я Реб, мен Саңа шатланып, нагма айдарын.

² Мен кәмиллик ёлундан йөрәрин. Вах, хачан гелеркәң мениң яныма?! Өйүмде йүрек кәмиллигинде яшарын.

³ Гөз алнымда яман зада мен ёл бермерин, гүнә этмеги мен йигренйәрин, гүнә маңа янашмаз.

⁴ Йүрек азгынлыгындан дашда боларын, яманлыга шәрик болмарын.

⁵ Гизлинликде якынына төхмет атаны вейран эдерин, гөзи ер гөрмейәне, текепбир йүреклә чыдап билмерин.

⁶ Юрдуң садыкларының маңа ёлдаш болары ялы, мен олара мәхир билен гарарын. Мениң гуллугымда кәмиллик ёлунда гезйәнлер дурар.

⁷ Хилегәрлик эдйән мең өйүмде яшамаз, ялан сөзлейән гашымда дурмаз.

⁸ Реббиң шәхеринден беткәрлери ковмаклык үчин, сәхерсайын юртдакы эрбетлери вейран эдерин.