Zebur 10 - Мукаддес Китап

10-нҗы мезмур

1 Айдымчылар топарының ёлбашчысына. Давудың мезмуры.

¹ Айдымчылар топарының ёлбашчысына. Давудың мезмуры. Мен Ребби пена эдинйәрин. «Гуш кимин өз дагыңа гач – дийип, маңа ненең айдып билйәңиз? –

² Ине, гөр, эрбетлер яйыны гуряр, пейкамыны яйың киршине гойяр, догры йүреклилери гараңкыда нышана аляр.

³ Эгер бинятлар эдилсе вейран, нәме эдип билер ол догры ынсан?»

⁴ Реб Өз мукаддес ыбадатханасындадыр; Онуң тагты гөклердедир. Онуң гөзлери сынлаяр, назары адамзады барлаяр.

⁵ Реб сынаяр догры ынсаны, эмма Онуң калбы йигренйәр эрбетлери ве зорлук сөййән адамы.

⁶ Ол эрбетлериң үстүне ягдырар көрейән көзлери хем-де күкүрди; яндырыҗы ел болар несибелери.

⁷ Чүнки Реб догрудыр; сөййәр Ол догры ишлери; догры ынсан гөрер Онуң йүзүни.