Zebur 1 - Мукаддес Китап

БИРИНҖИ КИТАП ( 1–40 -нҗы мезмурлар) 1‑нҗи мезмур

^1-2 Реббиң канунындан леззет алян, гиҗе-гүндиз шол барада ойланян багтлыдыр! Ол эрбетлериң маслахатына гитмейәр, гүнәкәрлериң ёлундан йөремейәр, яңсылайҗыларың арасында отурмаяр.

³ Ол акар сувлар якасында экилен, мивесини мөвсүминде гетирйән, япрагы солмаян агач киминдир; әхли эдйән иши оңуна боляр.

⁴ Эрбетлер болса бейле дәлдир, олар елиң совран харпыгы ялыдыр.

⁵ Шоңа гөрә, эрбетлер хөкүм чыкарыланда, гүнәлилер-де догрулар меҗлисинде дуруп билмезлер.

⁶ Чүнки Реб догруларың ёлуны гөзден салмаяр, эрбетлериң ёлы болса хеләкчилиге учрадяр.