Ýunus 3 - Мукаддес Китап

3‑нҗи бап Юнус Реббе боюн боляр

^1-2 Юнуса Реббиң сөзи икинҗи гезек гелди: «Ханы бол, Ниневә – шол бейик шәхере гит-де, Мениң өзүңе айдянларымы онуң халкына етир!»

³ Шунлукда, Юнус Реббиң сөзүне боюн болды ве Ниневә тарап ёла дүшди. Ниневе җуда улы шәхерди. Онуң ол башындан бу башына ченли үч гүнлүк ёлды.

⁴ Юнус шәхере гирди ве бир гүнлүк ёл гечип: «Ене кырк гүнден Ниневе йыкылҗак» дийип җар чекди.

⁵ Ниневелилер Худая ынандылар. Олар улудан-кичә хеммелере агыз беклемеги ыглан этдилер.

⁶ Бу хабар Ниневе патышасына етенде, ол тагтындан дүшүп, ша лыбасыны чыкарды ве җул гейнип, күл үстүнде отурды.

⁷ Соңра ол өзүниң хем-де төрелериниң адындан Ниневәниң халкына шейле буйрук берди: «Әхли адамлар-да, хайванлардыр мал-гаралар-да хич зат иймесинлер, сув-да ичмесинлер.

⁸ Ынсану-хайван җул гейинсин, бар гүйҗи билен Худая перят этсин, өз яман ёлундан дөнүп, бет ишлеринден эл чексин.

⁹ Белки, Худай пикирини үйтгедер, газабындан сакланар; шейдип, биз хеләк болмарыс».

¹⁰ Шондан соң Худай оларың эденлерини, яман ёлдан дөнендиклерини гөрүп, газабындан сакланып, гөркезҗек диен эрбетлигини олара гөркезмекден эл чекди.