Ýeşuwa 19 - Мукаддес Китап

19-нҗы бап Шимгон тиресиниң мүлк ери

¹ Икинҗи гезек шимгон тиресиниң уругларының биҗеси чыкды. Оларың мүлки яхуда тиресиниң мүлк ериниң ичинден дүшди.

² Шимгон тиресиниң мүлк ерлери шулар болупдыр: Беершеба, Шеба, Молада,

³ Хасаршугал, Бала, Эсем,

⁴ Элтолат, Бетул, Хорма,

⁵ Зиклаг, Бейтмаркабот, Хасарсуса,

⁶ Бейтлебаот, Шарухен – обалары билен биле он үч гала.

⁷ Айын, Риммон, Этер, Ашан – обалары билен биле дөрт гала.

⁸ Багалатбегериң ве Негеп чөлүндәки Раманың даш-төверегиндәки обалар хем шоңа гирйәрди. Буларың бары Шимгон тиресиниң өз уругларына гөрә алан мүлк ерлеридир.

⁹ Шимгон тиресине мүлк ер яхудаларың пайындан бөлүнип берилди. Яхудаларың ер пайларының өзлеринден артыкдыгы себәпли, шимгон тиреси мүлк ерини оларың пайындан алды.

Зебулун тиресиниң мүлк ери

¹⁰ Үчүнҗи гезек зебулун тиресиниң уругларының биҗеси чыкды. Оларың мүлк ериниң арачәги Сарыда ченли узаляр.

¹¹ Арачәк гүнорта Маргала ченли гидип, Даббешеде барып етйәр ве Ёкнегамың гүндогар акымына гелйәр.

¹² Соң Сарыддан ызына гайдып, Гүнүң догян тарапына Кислот-табора гелйәр. Ол ерден Даберада гелип, Япыя тарап ёкары чыкяр.

¹³ Ол ерден гүндогара Гатхепере ве Этказына тарап гечйәр, соңра Риммона тарап довам эдип, Нега тарап өврүлйәр.

¹⁴ Демиргазык арачәк Ханнатона тарап айланып, Йыптахел җүлгесинде гутаряр.

¹⁵ Катат, Нахалал, Шимрон, Йыдала, Бейтуллахам – обалары билен биле он ики гала.

¹⁶ Ине, булар Зебулун тиресиниң уруглары боюнча алан мүлк ери, оларың галалары ве обаларыдыр.

Ысакар тиресиниң мүлк ери

¹⁷ Дөрдүнҗи гезек ысакар тиресиниң уругларының биҗеси чыкды.

¹⁸ Оларың ерине шулар дегишлидир: Йизрегел, Кесуллот, Шунем,

¹⁹ Хапарайым, Шиён, Анахарат,

²⁰ Рабыт, Кишён, Эбес,

²¹ Ремет, Эйнганным, Эйнхадда, Бейтпаззес.

²² Арачәк Табора, Шахасума, Бейтшемеше янашып, Иорданда гутаряр – обалары билен биле алты гала.

²³ Ине, булар Ысакар тиресиниң уруглары боюнча алан мүлк ерлери, галалары ве обаларыдыр.

Ашер тиресиниң мүлк ери

²⁴ Бәшинҗи гезек ашер тиресиниң уругларының биҗеси чыкды.

²⁵ Оларың арачәги Хелкат, Халы, Бетен, Акшап,

²⁶ Аламмелек, Амат, Мишал; гүнбатар Кармел дагына ченли ве Шихорлыбнат галасына ченли барып етйәр.

²⁷ Соңра арачәк ызына гүндогара Бейтдагона тарап айланып, Зебулуна, Йыптахел җүлгесине, демиргазыкда Бейтемеге ве Негиеле баряр. Соңра ол демиргазыкда Кабула,

²⁸ Эброна, Рехоба, Хаммона, Кана ве Бейик Сидона ченли довам эдйәр.

^29-30 Шундан соң серхет Рама өврүлип, берк Сур галасына гелйәр ве ене-де ызына Хоса тарап айланып, Ортаер деңзинде гутаряр. Оларың ерлерине Махалап, Акзып, Умма, Апек, Рехоп үлкелери хем дегишлидир. Олар обалары билен биле җеми йигрими ики галадыр.

³¹ Ашер тиресиниң уруглары боюнча алан мүлк ерлери, галалары ве обалары, ине, шулардан ыбаратдыр.

Нафталы тиресиниң мүлк ери

³² Алтынҗы гезек нафталы тиресиниң уругларының биҗеси чыкды.

³³ Оларың арачәги Хелепден, Сагананнымдакы дуб токайларындан, Адамынекепден ве Ябнеелден Лаккума ченли гелип, ол Иорданда гутаряр.

³⁴ Серхет гүнбатара Азноттабора өврүлип, соң Хукога баряр, гүнорта тарапдан Зебулуна, гүнбатар тарапдан болса Ашере ве гүндогар тарапдан Иорданың якасында болан Яхуда янашяр.

³⁵ Олара дегишли болан берк галалар шулардыр: Сиддим, Сер, Хаммат, Ракат, Киннерет,

³⁶ Адама, Рама, Хасор,

³⁷ Кедеш, Эдрей, Эйнхасор,

³⁸ Йырон, Мигдалел, Хорем, Бейтанат ве Бейтшемеш – обалары билен биле он докуз гала.

³⁹ Бу болса нафталы тиресиниң уругларына гөрә дүшен мүлк ерлери, галалары ве обаларыдыр.

Дан тиресиниң мүлк ери

⁴⁰ Единҗи гезек дан тиресиниң уругларының биҗеси чыкды.

⁴¹ Оларың пайына дүшен мүлк ерлер шулардан ыбарат: Сорга, Эштавол, Иршемеш,

⁴² Шагалбын, Аялон, Йытла,

⁴³ Эйлон, Тимна, Экрон,

⁴⁴ Элтеке, Гибетон, Багалат,

⁴⁵ Ехут, Бенейберак, Гатриммон,

⁴⁶ Мейяркон ве Яфоның гаршысындакы ерлер билен Ракон.

⁴⁷ Эмма дан тиресине өз ерлерини эелемек агыр дүшди, олар Лешеме гаршы сөвеше чыкып, оны басып алдылар. Олары гылычлап өлдүрип, ерлерини өзлерине мүлк эдип алдылар ве ол ерде ерлешдилер. Олар Лешеме Дан дийип, аталары Даның адыны гойдулар.

⁴⁸ Ине, бу болса дан тиресиниң уруглары боюнча алан мүлк ерлери, оларың галалары ве обаларыдыр.

Ер пайламак иши тамамланяр

⁴⁹ Мүлк ерлери арачәкләп бөлүп гутаранларындан соң, ысрайыллар өз араларындан Нунуң оглы Ешува мүлк пай бердилер.

⁵⁰ Олар оңа Реббиң буйругы боюнча Эфрайым даглыгындакы Тимнатсерах галасыны бердилер. Бу галаны онуң өзи сорапды. Ешува бу галаны тәзеден гуруп, ол ерде орнашды.

⁵¹ Ине, шулар Элгазар руханының, Нунуң оглы Ешуваның ве Ысрайыл тирелериниң уругбашыларының Реббе йүз тутулян чадырың гирелгесинде, Шилода Реббиң хузурында Ысрайыл тирелерине биҗе боюнча пайлап берен мүлк ерлеридир. Шейлелик билен, олар ерлери пайламак ишини тамамладылар.