Ýeşuwa 15 - Мукаддес Китап

15‑нҗи бап Яхуда тиресиниң мүлк ери

¹ Биҗе атышыкда яхуда тиресиниң уругларының пайына шу ашакдакы ерлер дүшди: гүнортада оларың мейданы Эдомың арачәги билен, гүнорта Син чөллүгине ченли барып етйәр.

² Оларың гүнорта арачәги узалып гидйән гүнортадакы айлаглардан, Өли деңзиң гутарян еринден башланяр.

³ Соңра ол гүнорта Ичян гечидине тарап довам эдип, Син чөлүнден гечйәр. Кадешбарнеяның гүнортасындан Хесрона ве Аддара чыкып, ол ерден Карка тарап өврүлйәр.

⁴ Соңра Асмондан гечип, Мүсүр дерясына ченли узалып гидйәр ве Ортаер деңзинде серхет гутаряр. Бу оларың гүнорта арачәги болар.

⁵ Яхуда тиресиниң гүндогар арачәги Өли деңиз болупдыр. Бу гүндогар арачәк демиргазыга тарап Иордан дерясының Өли деңзе гуйян ерине ченли узалып гидйәр. Демиргазыкдакы арачәк Иорданың деңзе гуйян еринден, деңиз айлагындан башланяр.

⁶ Бу ерден арачәк Бейтхогла ченли барып, демиргазыкда Бейтарабадан гечйәр ве Рубен оглы Боханың ады дакылан даша ченли гидйәр.

⁷ Соңра арачәк Акор җүлгесинден Дебире ченли ёкары галып, демиргазыкда акымың гүнортасында ерлешйән Адуммым байырлыкларының гаршысындакы Гилгала тарап өврүлйәр. Арачәк бу ерден Эйншемеш чешмесине ченли довам эдип, Эйнрогеле етйәр.

⁸ Бу ерден арачәк ябусларың галасы Иерусалимде ерлешйән дүзлүгиң гүнортасындакы Бенхинном дересинден ёкары галяр. Соңра ол Бенхинном дересиниң гүнбатарының гаршысындакы дагларың депесине ченли галып, демиргазыкдакы Рапа җүлгесиниң ахырына ченли баряр.

⁹ Дагларың гершинден арачәк Нептова чешмесиниң гөзбашына тарап айланяр. Ол ерден хем Эпрон даглыгындакы галалара тарап гелйәр. Соңра ол Багала (бу Кирятегарым) тарап ашак дүшйәр.

¹⁰ Соңра серхет гүнбатар Багаладан Сегир дагына тарап айланяр, демиргазыкда Кесалон галаның Егарым дагларына ченли гидип, Бейтшемеше тарап өврүлйәр ве Тимнаның үсти билен айланып гечйәр.

¹¹ Ол ерден Экроның демиргазык тарапына гидйәр ве Шикарона тарап айланып, Багала дагының үсти билен Ябнееле гелйәр. Иң соңунда арачәк Ортаер деңзинде гутаряр.

¹² Ортаер деңзи ве онуң кенарлары гүнбатар арачәги эмеле гетирйәр. Яхуда тиресиниң уругларының әхли тараплайын арачәги, ине, шудур.

Калеп Хеброны ве Дебири басып аляр

¹³ Реббиң буйрушы ялы, Ешува яхуда тиресиниң мүлк ериндәки Кирятарбаны, ягны Хеброны Епуннәниң оглы Калебе берди. Бу ер Анагың атасының хатырасына Кирятарба дийип атландырылыпды.

¹⁴ Калеп ол ерден анакларың үч уругыны: Шешайы, Ахыманы ве Талмайы чыкарып ковды. Булар Анагың несиллеридир.

¹⁵ Бу ерден ол Дебириң илаты билен урушмага гитди. Дебире өң Кирятсепер дийилйәрди.

¹⁶ Калеп: «Еңиш газанып, Кирятсепери басып алана, гызым Аксаны гелин эдип берҗек» дийди.

¹⁷ Бу галаны Калебиң доганы, Кеназың оглы Отниел басып алды. Калеп өз гызы Аксаны оңа берди.

¹⁸ Той гүни Акса өз какасының янына гидип, ондан ер дилемек үчин Отниелден разылык алды. Акса барып, эшегинден дүшенде, Калеп ондан: «Гызым, нәме дилегиң бар?» дийип сорады.

¹⁹ Акса какасына: «Маңа пешгеш берсене. Сен маңа Негеп чөлүниң гурак ерлерини бердиң, маңа сув булакларыны-да берәй!» дийди. Шунлукда, Калеп ёкаркы ве ашакы чешмелери хем оңа багыш этди.

²⁰ Ине, яхуда тиреси өз уругларына гөрә шу ерлери мүлк эдип алды:

²¹ Эдомың арачәгиниң голайындакы гүнорта Негеп чөлүнде олара шу галалар дегишлидир: Кабсеел, Эдер, Ягур,

²² Кина, Димона, Адада,

²³ Кедеш, Хасор, Йытнан,

²⁴ Зип, Телем, Бегалот,

²⁵ Хасорхадат, Кирётхесрон (бу Хасор),

²⁶ Эмом, Шема, Молада,

²⁷ Хасаргада, Хешмон, Бейтпелет,

²⁸ Хасаршугал, Беершеба, Бизётия,

²⁹ Багала, Ией, Эсем,

³⁰ Элтолат, Кесил, Хорма,

³¹ Зиклаг, Мадманна ве Сансанна,

³² Левавот, Шилхим, Айын ве Риммон – оларың обалары билен биле җеми йигрими докуз гала.

³³ Гүнбатар байырлыкларда: Эштавол, Сорга, Ашна,

³⁴ Занова, Эйнганным, Тапува, Эйнам,

³⁵ Ярмут, Адуллам, Соко, Азека,

³⁶ Шагарайым, Адытайым, Гедера, Гедеротайым – обалары билен биле җеми он дөрт гала.

³⁷ Сенан, Хадаша, Мигдалгат,

³⁸ Дилеган, Миспе, Ёктеел,

³⁹ Лакыш, Боскат, Эглон,

⁴⁰ Каббон, Лахмас, Китлиш,

⁴¹ Гедерот, Бейтдагон, Нагама, Македа. Булар обалары билен биле он алты галадыр.

⁴² Либна, Этер, Ашан,

⁴³ Ефтах, Ашна, Несив,

⁴⁴ Кегила, Акзып, Мареша – обалары билен биле докуз галадыр.

⁴⁵ Экрон галасы ве онуң овнуклы-ирили обалары,

⁴⁶ Ашдодың голайындакы әхли галалар ве обалар, Экрондан Ортаер деңзине ченли,

⁴⁷ Ашдот галасы ве онуң овнуклы-ирили обалары, Газа галасы ве онуң овнуклы-ирили обалары билен Мүсүр дерясына ве Ортаер деңзиниң кенарларына ченли.

⁴⁸ Даглыкларда: Шамыр, Ятыр, Соко,

⁴⁹ Данна, Кирятсанна (бу Дебир),

⁵⁰ Анап, Эштемо, Аным,

⁵¹ Гошен, Холон, Гило – обалары билен биле җеми он бир гала;

⁵² Арав, Дума, Эшган,

⁵³ Янум, Бейтапува, Апеге,

⁵⁴ Хумта, Кирятарба (бу Хеброн) ве Сигор – обалары билен биле докуз гала;

⁵⁵ Магон, Кармел, Зип, Юта,

⁵⁶ Йизрегел, Ёкдегам, Занова,

⁵⁷ Кейн, Гибга, Тимна – обалары билен биле он гала;

⁵⁸ Халхул, Бейтсур, Гедор,

⁵⁹ Магарат, Бейтанот, Элтекон – обалары билен биле җеми алты гала;

⁶⁰ Кирятбагал (бу Кирятегарым) ве Раба – обалары билен биле ики гала.

⁶¹ Чөллүкде: Бейтараба, Мидин, Секака,

⁶² Нибшан, Дуз галасы, Эйнгеди – обалары билен биле җеми алты гала.

⁶³ Яхудалар Иерусалимде яшаян ябуслары ковуп чыкарып билмедилер. Ябуслар бу гүнки гүн хем ол ерде яхудалар билен биле яшаярлар.