Нехемя 7 - Мукаддес Китап

7‑нҗи бап

¹ Ине, дивар өрүлип, гапылар ерине отурдылды, дервезебанлар, айдымчылар, левилер белленди.

² Онсоң мен доганым Хананы билен галаның серкердеси Хананяны Иерусалиме хәким эдип белледим. Чүнки ол ынамдар адам болуп, көплере гаранда, Худайдан хас гаты горкярды.

³ Мен олара шейле табшырык бердим: «Гүн гызянча, Иерусалимиң дервезелери ачылмасын. Гүн яшан чагы, энтек дервезебанлар нобатчылыкдан гитмәнкәлер, гапылары гулпласынлар. Иерусалимиң илатындан гаравуллар гоюң; оларың кәбири өз горамалы ерлеринде ве бейлекилери болса өз өйлериниң өңүнде болсунлар».

Сүргүнден гайдып геленлериң санавы

⁴ Шәхер гиң хем улуды, эмма онуң ичиндәки илат велин азды, җайлар салынманды.

⁵ Онсоң несиллери боюнча хасаба алмак үчин беглери, баштутанлары ве халкы үйшүрмеги Худайым йүрегиме салды. Мен есирликден илкинҗи доланып геленлериң несиллери билен гечирилен илат язувыны гөзләп тапдым. Онда шулар языланды:

⁶ Бабыл патышасы Небукаднесар тарапындан есир алнып, Бабыла сүргүн эдиленлериң несиллеринден Иерусалимдәки ве Яхудадакы өз галаларына гайдып геленлери, ине, шуларды:

⁷ Зерубабыл, Ешува, Нехемя, Азаря, Рагамя, Нахаманы, Мордекай, Билшан, Мисперет, Бигвай, Нехум ве Багана дагы билен гелдилер. Ысрайыл халкының эркек адамларының саны:

⁸ Парошың несиллери: ики мүң бир йүз етмиш ики адам;

⁹ Шепатяның несиллери: үч йүз етмиш ики адам;

¹⁰ Араның несиллери: алты йүз элли ики адам;

¹¹ Ешуваның ве Ёвабың неслинден – Пахатмовабың несиллери: ики мүң секиз йүз он секиз адам;

¹² Эйламың несиллери: бир мүң ики йүз элли дөрт адам;

¹³ Затуның несиллери: секиз йүз кырк бәш адам;

¹⁴ Закайың несиллери: еди йүз алтмыш адам;

¹⁵ Биннуйың несиллери: алты йүз кырк секиз адам;

¹⁶ Бебайың несиллери: алты йүз йигрими секиз адам;

¹⁷ Азгадың несиллери: ики мүң үч йүз йигрими ики адам;

¹⁸ Адоныкамың несиллери: алты йүз алтмыш еди адам;

¹⁹ Бигвайың несиллери: ики мүң алтмыш еди адам;

²⁰ Адиниң несиллери: алты йүз алтмыш бәш адам;

²¹ Атериң, ягны Хизкияның несиллери: тогсан секиз адам;

²² Хашумың несиллери: үч йүз йигрими секиз адам;

²³ Безайың несиллери: үч йүз йигрими дөрт адам;

²⁴ Харыбың несиллери: бир йүз он ики адам;

²⁵ Гибгоның несиллери: тогсан бәш адам;

²⁶ Бейтуллахамың ве Нетопаның яшайҗылары: бир йүз сегсен секиз адам;

²⁷ Анатодың яшайҗылары: бир йүз йигрими секиз адам;

²⁸ Бейтазмаведиң яшайҗылары: кырк ики адам;

²⁹ Кирятегарымың, Кепираның ве Бееродың яшайҗылары: еди йүз кырк үч адам;

³⁰ Раманың ве Гебаның яшайҗылары: алты йүз йигрими бир адам;

³¹ Микмашың яшайҗылары: бир йүз йигрими ики адам;

³² Бейтелиң ве Айың яшайҗылары: бир йүз йигрими үч адам;

³³ Бейлеки Небоның яшайҗылары: элли ики адам;

³⁴ Бейлеки Эйламың несиллери: бир мүң ики йүз элли дөрт адам;

³⁵ Харымың несиллери: үч йүз йигрими адам;

³⁶ Ерихоның несиллери: үч йүз кырк бәш адам;

³⁷ Лодуң, Хадыдың ве Ононың несиллери: еди йүз йигрими бир адам;

³⁸ Сенаның несиллери: үч мүң докуз йүз отуз адам.

³⁹ Руханылар: Ешуваның ковумындан Едаяның несиллери: җеми докуз йүз етмиш үч адам;

⁴⁰ Иммериң несиллери: бир мүң элли ики адам;

⁴¹ Пашхурың несиллери: бир мүң ики йүз кырк еди адам;

⁴² Харымың несиллери: бир мүң он еди адам;

⁴³ левилер: Ходавяның несиллери, ягны Ешуваның ве Кадмыелиң несиллери: етмиш дөрт адам;

⁴⁴ айдымчылар: Асафың несиллери бир йүз кырк секиз адам;

⁴⁵ дервезебанлар: Шаллумың, Атериң, Талмоның, Акубың, Хатытаның, Шобайың несиллери: бир йүз отуз секиз адам;

⁴⁶ ыбадатхана хызматкәрлери: Сиханың, Хасупаның, Табаготың,

⁴⁷ Кейросың, Сиганың, Падоның,

⁴⁸ Лебананың, Хагабаның, Шалмайың,

⁴⁹ Хананың, Гидолың, Гехарың,

⁵⁰ Реяяның, Ресиниң, Некоданың,

⁵¹ Газамың, Узаның, Пасеяның,

⁵² Бесайың, Мегунымың, Непусымың,

⁵³ Бакбугың, Хакупаның, Хархурың,

⁵⁴ Баслутың, Мехиданың, Харшаның,

⁵⁵ Баркосың, Сисераның, Теманың,

⁵⁶ Несияның, Хатыпаның несиллери;

⁵⁷ Сүлейманың хызматкәрлериниң несиллеринден: Сотайың, Соперетиң, Периданың,

⁵⁸ Ягланың, Дарконың, Гидолың,

⁵⁹ Шепатяның, Хатылың, Покерет Хасебайымың ве Амоның несиллери.

⁶⁰ Әхли ыбадатхана хызматкәрлериниң ве Сүлейманың хызматкәрлериниң несиллериниң җеми үч йүз тогсан ики адам болды.

⁶¹ Телмеладан, Телхаршадан, Керупдан, Адондан ве Иммерден чыканлар, йөне өз уругларыны, өз аслыны я-да өзлериниң Ысрайыла дегишлидиклерини субут эдип билмедиклер шуларды:

⁶² Делаяның, Тобыяның ве Некоданың несиллери: алты йүз кырк ики адам;

⁶³ шейле хем руханылардан: Хобаяның несиллери, Хакосың несиллери ве гилгатлы Барзыллайың гызларындан аял алып, оларың ады билен атландырылан Барзыллайың несиллери.

⁶⁴ Булар өз язгыларыны несиллери боюнча хасаба алнанларың арасындан гөзледилер, эмма тапып билмедилер. Шонуң үчинем олар галп руханылар хөкмүнде руханылыкдан чыкарылдылар.

⁶⁵ Хәким олара Урымы ве Туммымы уланып билйән руханы тапылянча, иң мукаддес нахардан иймезлиги табшырды.

^66-67 Еди мүң үч йүз отуз еди аялдыр эркек хызматкәрлери хем-де ики йүз кырк бәш эркек ве аял айдымчылары хасап этмәниңде, әхли халкың саны кырк ики мүң үч йүз алтмышды.

^68-69 Оларың дөрт йүз отуз бәш дүеси ве алты мүң еди йүз йигрими саны-да эшеги барды.

⁷⁰ Кәбир уругбашылар иш үчин пешгешлер бердилер. Хәким хазына йигрими гадак төвереги алтын, элли леген, бәш йүз отуз лай руханы эшигини берди.

⁷¹ Кәбир уругбашылар болса гурлушык газнасына секиз ярым батман төвереги алтын, алтмыш бәш батман күмүш бердилер.

⁷² Халкың галан бөлегиниң берен затлары, секиз ярым батман төвереги алтын, элли секиз батман күмүш ве алтмыш еди лай руханы эшигинден ыбарат болды.

⁷³ Руханылар, левилер, халкың кәбири, ыбадатхана дервезебанлары, айдымчылары, хызматкәрлери ве бүтин ысрайыл халкы өз галаларында орнашдылар. Единҗи ай геленде, ысрайылларың хеммеси өз галаларындадылар.