Нехемя 11 - Мукаддес Китап

11‑нҗи бап Иерусалимде яшаян адамлар

¹ Халк баштутанлары Иерусалимде яшадылар. Илатың галаны биҗе атышып, мукаддес шәхер болан Иерусалимде яшар ялы, хер он машгаладан бирини сайладылар. Галан докузысы болса бейлеки галаларда галдылар.

² Халк Иерусалимде яшамага мейлетин ислег билдиренлериң хеммесине ак пата берди.

³ Иерусалимде месген тутанлар велаят баштутанларыды. Йөне руханылар, левилер, ыбадатхана хызматкәрлери, Сүлейманың хызматкәрлериниң несиллери ве бейлеки ысрайыл адамларының херси Яхуданың галаларындакы өз галасында, өз мүлкүнде месген тутдулар.

⁴ Яхуда ве бенямин тирелериниң кәбирлери Иерусалимде яшадылар. Яхуда тирелеринден: Закаряның агтыгы, Узыяның оглы Атая. Онуң ата-бабаларына Пересиң неслинден болан Амаря, Шепатя, Махалалел дегишлидир.

⁵ Колхозениң агтыгы, Баругың оглы Магасея. Онуң ата-бабаларына Хазая, Адая, Ёярып ве Закаря дегишлидир. Булар Яхуданың оглы Шилоның неслинденди.

⁶ Иерусалимде месген тутан Пересиң әхли несиллери дөрт йүз алтмыш секиз эдермен уршуҗылардан ыбаратды.

⁷ Бенямин тиресиниң адамлары: Ёгедиң агтыгы, Мешулламың оглы Саллу. Онуң ата-бабаларына Педая, Колая, Магашея, Итиел ве Ешагя дегишлидир.

⁸ Саллуның якын гарындашлары Габай хем Саллай. Җеми докуз йүз йигрими секиз беняминли Иерусалимде яшаярды.

⁹ Зикриниң оглы Ёвел оларың ёлбашчысыды. Хасенуваның оглы Яхуда болса шәхериң үстүнден баштутанлык эдйән икинҗи адамды.

¹⁰ Руханылардан: Ёярыбың оглы Едая ве Якин.

¹¹ Мешулламың агтыгы, Хилкияның оглы Серая. Онуң ата-бабаларына Садок, Мераёт ве Худайың өйүниң баштутаны болан Ахытуп дегишлидир.

¹² Оларың Худайың өйүниң ишини эдйән гарындашларының җеми секиз йүз йигрими ики адамды. Ата-бабалары Эмасы, Закаря, Пашхур ве Малкыя болан Пелаляның агтыгы, Ерохамың оглы Адая.

¹³ Онуң доганлары, уругбашылары ики йүз кырк икиди. Азарелиң оглы, Ахзайың агтыгы Эмашсай. Онуң ата-бабаларына Мешиллемот ве Иммер дегишлидир.

¹⁴ Оларың доганлары бир йүз йигрими секиз эдермен уршуҗыларды. Оларың ёлбашчысы Хагедолымың оглы Забдыелди.

¹⁵ Левилерден: Азрыкамың агтыгы, Хашубың оглы Шемагя. Онуң ата-бабаларына Хашабя ве Буни дегишлидир.

¹⁶ Левилериң баштутанларындан болан, Худайың өйүниң дашаркы ишлерине середйән Шабетай ве Ёзабат.

¹⁷ Дилегде шүкүр этмәге башлананда өңүни башлаян, Асафың неслинден болан Забдының агтыгы, Миканың оглы Матаня. Доганларының арасында онуң орунбасары Бакбукя; Едутуның неслинден Галалың агтыгы, Шаммуваның оглы Абда барды.

¹⁸ Мукаддес шәхерде яшаян левилериң җеми ики йүз сегсен дөртди.

¹⁹ Дервезебанлар Акуп, Талмон ве онуң дервезелери саклаян доганлары бир йүз етмиш икиди.

²⁰ Ысрайылың, руханыларың ве левилериң галанлары болса Яхуданың әхли галаларында, өз мүлклериндедилер.

²¹ Эмма ыбадатхана хызматкәрлери Офелде яшаярдылар. Сиха билен Гишпа олара ёлбашчылык эдйәрдилер.

²² Иерусалимдәки левилериң ёлбашчысы Узыды. Ол Хашабяның агтыгы, Банының оглудыр. Онуң ата-бабаларына Худайың өйүнде гуллук эдйән айдымчылардан болан Асафың неслинден Матаня ве Мика дегишлидир.

²³ Патыша тарапындан олара дегишли йөрите перман барды ве айдымчыларың хер гүни үчин азык харҗы белленипди.

²⁴ Яхуда неслиниң Зера уругындан Мешезабелиң оглы Петахя халка дегишли хер бир ишде патышаның янында векилчилик эдйәрди.

Бейлеки галалардакы ве обалардакы халк

²⁵ Халкың көп бөлеги обаларда, өз экин мейданларының янында яшадылар. Яхуда халкының кәбирлери Кирятарбада, Дибонда, Екабсеелде ве оларың төверегиндәки обаларда яшадылар.

²⁶ Олар шейле хем Ешувада, Моладада, Бейтпелетде,

²⁷ Хасаршугалда, Беершебада ве онуң обаларында месген тутдулар.

²⁸ Олар Зиклаг галасында, Меконада ве онуң голайындакы обаларда яшаярдылар.

²⁹ Эйнриммонда, Соргада, Ярмутда,

³⁰ Зановада, Адулламда ве бу галаларың янындакы обаларда яшаярдылар. Олар Лакышда, онуң голайындакы мейданларда, Азекада ве онуң обаларында яшаярдылар. Олар Беершебадан Хинном дересине ченли аралыкда месген тутдулар.

³¹ Бенямин огуллары, Гебада, Микмашда, Аяда, Бейтелде, голайдакы обаларда,

³² Анатотда, Нопда ве Ананяда,

³³ Хасорда, Рамада ве Гитайымда,

³⁴ Хадытда, Себогымда ве Небаллатда,

³⁵ Лотда, Онода ве Хүнәрментлер дересинде месген тутдулар.

³⁶ Яхудада яшаян левилериң кәбир топарлары беняминлере гошулдылар.