Нехемя 10 - Мукаддес Китап

10-нҗы бап

¹ Мөхүрли хата ады языланлар: Хакаляның оглы хәким Нехемя, Сидкия,

² Серая, Азаря, Ермея,

³ Пашхур, Амаря, Малкыя,

⁴ Хатуш, Шебаня, Маллук,

⁵ Харым, Меремот, Абадя,

⁶ Даныел, Гинетон, Барук,

⁷ Мешуллам, Абыя, Миямын,

⁸ Магазя, Билгай, Шемагя – булар руханылардыр.

⁹ Левилер: Азаняның оглы Ешува, Хенададың огулларындан Биннуй, Кадмыел.

¹⁰ Оларың доганлары Шебаня, Ходыя, Келита, Пелая, Ханан,

¹¹ Мика, Рехоп, Хашабя,

¹² Закур, Шеребя, Шебаня,

¹³ Ходыя, Баны, Бенину.

¹⁴ Халк ёлбашчыларындан: Парош, Пахатмовап, Эйлам, Зату, Баны,

¹⁵ Бунны, Азгат, Бебай,

¹⁶ Адоныя, Бигвай, Адин,

¹⁷ Атер, Хизкия, Азур,

¹⁸ Ходыя, Хашум, Безай,

¹⁹ Харып, Анатот, Небай,

²⁰ Магпыгаш, Мешуллам, Хезир,

²¹ Мешезабел, Садок, Ядува,

²² Пелатя, Ханан, Аная,

²³ Хошея, Хананя, Хашуп,

²⁴ Халлохеш, Пилха, Шобек,

²⁵ Рехум, Хашабна, Магасея,

²⁶ Ахыя, Ханан, Анан,

²⁷ Маллук, Харым, Багана.

Кануны сакламак барадакы шертнама

^28-29 Галан халк, руханылар, левилер, ыбадатхана дервезебанлары, айдымчылары, хызматкәрлери ве Худайың канунына уймак үчин өзлерини ерли халклардан бөлүп айранларың хеммеси – оларың аяллары, огул-гызлары, кануна дүшүнип билйәнлериң бары өз гарындашлары ве оларың беглери билен бирлешдилер. Олар Худайың гулы Мусаның үсти билен берлен кануна гөрә яшамага, Хөкмүрован Реббимизиң әхли табшырыкларыны, хөкүмлерини, парзларыны саклап, олары берҗай этмәге ант ичдилер, ерине етирмейәнлери болса нәлетледилер.

³⁰ Биз ерли халклар билен гыз алшып-беришмерис.

³¹ Эгер ерли халклар Сабат гүни сатмага харытлар я-да галла гетирселер-де, биз олардан Сабат ве мукаддес гүнлерде хич зат сатын алмарыс. Хер единҗи йыл биз ере дынч берерис хем-де алгыларымызың барыны гечерис.

^32-33 Шейле хем биз хер йыл бир мысгал күмши, Худайымызың өйүниң хызматы үчин бермеги өзүмизе борч эдиндик. Бу күмүш хөдүр чөреги, хемишелик галла садакасы, хемишелик якма гурбанлыгы, Сабат гүнлери, Тәзе Ай байрамлары ве бейлеки байрамлар, мукаддес садакалар, Ысрайылы гүнәсинден саплама гурбанлыклары үчин уланылар.

³⁴ Биз халк, руханылар ве левилер биҗе атышып, хер йыл белленен вагтларда Худайымызың өйүне одуны хайсы уругың гетирмелидигини шертлешдик. Бу одунлар канунда язылышы ялы, Худайымыз Реббиң гурбанлык сыпасында якылмалыды.

³⁵ Еримизиң илкинҗи хасылыны ве хер бир агачдан өнен илкинҗи мивелери хер йыл Реббиң өйүне гетирмеги өзүмизе борч эдинйәрис.

³⁶ Канунда язылышы ялы, новбахар огулларымызы Худайың өйүнде хызмат эдйән руханыларың янына гетирип, илкинҗи мал-гараларымызы, сүрүлеримизиң илки болан өкүзчелерини, гоюн-гечилеримизиң илкинҗи эркек овлак-гузуларыны олара элтип берерис.

³⁷ Хер йыл илкинҗи галладан эдилен хамыры, өз садакаларымызы, дүрли мивелери, тәзе шерабы, ягы руханылара, Худайымызың өйүниң аммарларына табшырарыс. Еримизден өнйән хасылың ондан бир бөлегини левилере берерис. Чүнки галаларымызда левилер хасылың ондан бирини йыгнаярлар.

³⁸ Левилер хасылың ондан бирини йыгнаяркалар, Харун неслинден бир руханы оларың янында болар. Левилер хем өзлери үчин топланан тутуш хасылың ондан бир бөлегини Худайымызың өйүниң аммарларына табшырарлар.

³⁹ Чүнки ысрайыл халкы ве левилер галланы, тәзе шерап ве яг садакасыны аммарлара гетирмелидирлер. Ол ерде мукаддес ериң гап-гачлары, хызмат эдйән руханылар, дервезебанлардыр айдымчылар боляндыр. Биз Худайымызың өйүни терк этмерис.