Nagmalar 3 - Мукаддес Китап

3‑нҗи бап Ышк арзувы

¹ Көңүл ашыгымы гиҗе дүшегимден агтардым; гөзләп тапмадым оны.

² Инди туруп, шәхере чыкарын, көчелерден, мейданчалардан көңүл ашыгымы агтарарын. Гөзләп тапмадым оны.

³ Айланып йөрен, шәхер гөзегчилери душды маңа. Олардан: «Көңүл ашыгымы гөрдүңизми?» дийип сорадым.

⁴ Оларың деңинден гечен дессиме, көңүл ашыгымы тапдым мен. Оны саклап, энемиң өйүне, мени дограның отагына гетирйәнчәм, гойбермедим.

⁵ Эй, Иерусалим гызлары, җеренлердир чөл маралларындан ант ичйәрин: өзи ислейәнчә ышкы оярмаң, бирахатландырмаң!

Гиев ве онуң тойы

⁶ Түссе сүтүни дей чөлден чыкып гелйән ким? Ондан тәҗирлериң хошбой ыслы атырларындан эдилен мүрүң ве якымлы ыслы түтетгиниң хошбой ысы барк уряр.

⁷ Ана, Сүлейманың ша пайтуны! Ысрайылың алтмыш герчегидир онуң дашында.

⁸ Әхлиси гылычлы, сөвеше өкде; гиҗәниң вехиминден биллери гылычлыдыр.

⁹ Сүлейман ша ливан агачларындан өзүне ша пайтуныны ясатды:

¹⁰ сүтүнлери күмүшден, тирсеклиги гызылдан, отургыҗы гырмызы махмалдан. Ичи Иерусалим гызларының сөйгүсине бесленен.

¹¹ Эй, Сион гызлары, даша чыкың-да, Сүлейманы той гүнүнде, йүрекден шат гүнүнде эҗесиниң башына гейдирен тәҗине бакың!