Malaky 4 - Мукаддес Китап

4‑нҗи бап Реббиң гелҗек гүни

¹ Хөкмүрован Реб шейле диййәр: «Ине, ол гүн оҗак ялы янып гелйәр. Әхли текепбирлер ве хемме эрбетлик эдйәнлер саман кимин боларлар. Ол гүн оларың хеммесини от яндырар. Оларда не көк, не-де балдак галар.

² Йөне Мениң адымдан горкян сиз үчин шөхлеси билен шыпа берҗек адалат гүнеши догар. Сиз шонда газыгындан бошанан гөле ялы бөкүшерсиңиз.

³ Эрбетлери басгыларсыңыз, чүнки Мениң беллән гүнүм олар сизиң аякларыңызың астында күл болар. Муны Хөкмүрован Реб айдяндыр.

⁴ Гулум Мусаның кануныны, бүтин Ысрайыл үчин Мениң Хореп дагында онуң үсти билен буйран парзларымы ве хөкүмлерими ятлаң.

⁵ Ине, Мен-Реббиң бейик ве газаплы гүни гелмезден өң, Өзүм сизе Ыляс пыгамбери иберерин.

⁶ Ол ата-энелериң йүрегини чагаларына, чагаларың йүрегини ата-энелерине тарап өврер. Шонда Мен гелип, юрды нәлетләп ёк этмерин».