Işaýa 31 - Мукаддес Китап

31‑нҗи бап Мүсүр билен бирлешмек нетиҗесиздир

¹ Медет сорап, Мүсүре гидйәнлериң, атлара даянянларың, көпдүклери үчин сөвеш арабаларына, гүйчлүдиклери үчин атлылара бил баглаянларың дат гүнүне! Олар Ысрайылың Мукаддесине йүз тутмаярлар, Ребден маслахат сорамаярлар.

² Эмма Реб данадыр, Ол бетбагтчылык гетирер, сөзүни ызына алмаз, яманлык эдйәнлере гаршы аяга галар, пислере көмек эдйәнлере гаршы чыкар.

³ Мүсүрлилер Худай дәл, ынсандыр, рух дәлдир, тендир атлары; Реб элини узаданда, көмекчи-де, көмек алан-да йыкылар, әхлиси бирликде хеләк болар.

⁴ Чүнки Реб маңа шейле дийди: «Арслан, авуның башында арлаян яш арслан, бир топар чопан болуп, дашына гечселер-де, оларың сесинден горкмаз, галмагалларындан үркмез, Хөкмүрован Реб-де, Сион дагында, онуң депесинде урушмак үчин ашак инер шейдип.

⁵ Гушларың ганат герип, өз чагаларыны горайшы дек, Хөкмүрован Реб-де Иерусалими горар; Ол оны горар, халас эдер, рехим эдер, азат эдер».

⁶ Эй, ысрайыл халкы, гаршысына улы питне турзан Реббе тарап өврүлиң!

⁷ Шол гүн хер кес, гүнә үчин өз эли билен ясан алтындыр күмүш бутларыны рет эдер.

⁸ «Онсоң ашурлылар ынсаныңкы болмадык гылычдан йыкыларлар, адамзадыңкы болмадык гылычдан өлерлер, олар гылычдан гачарлар, яш йигитлери-де гул эдилер.

⁹ Горкудан яңа йыкылар оларың гаясы, серкерделери байдагы гөрүп титрешерлер». Муны оды Сионда, оҗагы Иерусалимде болан Реб айдяндыр.