Işaýa 12 - Мукаддес Китап

12‑нҗи бап Алкыш ве өвги

¹ Шол гүн сиз, ысрайыллар шейле диерсиңиз: «Я, Реб Саңа шүкүр эдерин, Сен бизе гахарланан хем болсаң, гахарың совулды, теселли бердиң бизе Сен.

² Элбетде, Худай Халасгәримдир, Оңа бил багларын, горкмарын мен, чүнки Реб еке-тәк гүйҗүмдир, айдымымдыр, Ол мениң Халасгәрим болды».

³ Шатлык билен гуюлардан сув чекишиңиз дей, шатлык билен-де халас эдилерсиңиз.

⁴ Шейле диерсиңиз шол гүн: «Реббе шүкүр эдиң, Онуң адына өвгүлер айдың; миллетлериң арасында Онуң ишлерини аян эдиң, Адының бейикдигини җар эдиң.

⁵ Реббе өвгүлер айдың, Ол бейик ишлер этди; ер йүзи билсин муны!

⁶ Эй, Сион халкы, хешелле как, гыгыр! Араңыздакы Ысрайылың Мукаддеси бейикдир!»