Eýýup 35 - Мукаддес Китап

35‑нҗи бап Элиху сөзүни довам эдйәр

¹ Элиху шейле дийди:

² «Сениң: „Худайың өңүнде хакдырын“ диймәң догры дәл Эйюп!

³ Сен Худая: „Гүнәмиң Саңа нәме дахылы бар? Гүнәсизликден нәме пейда гөрдүм?“ диййәрсиң.

⁴ Мен сени ве достларыңы җогапсыз галдырмарын.

⁵ Гөклере середип гөр, булутлара гөз гездир, олар сенден белент.

⁶ Гүнә эден болсаң, Худая нәме зыяны бар? Языгың көпелсе, Худая зелели нәме?

⁷ Догрулыгың Худая не пейдасы бар, Онуң саңа мәтәчлиги нәме?

⁸ Пислигиң өзүң ялы адамлара тәсири етйәр, догручыллыгың бейлеки ынсанлар үчиндир.

⁹ Ынсанлар агыр сүтем астында перят эдйәрлер, гүйчлүлериң элинден гутулмак үчин ярдам сораярлар.

¹⁰ Йөне хич ким: „Гиҗесине айдымлар берйән Яраданым ниреде?

¹¹ Ол бизе ер йүзүндәки хайванлардан көп өвредйәр, бизи гөкдәки гушлардан акыллы эдйәр“ диймейәр.

¹² Яманлык эдйәнлериң текепбирлиги зерарлы, олар налыш эденде, Худай җогап бермейәр.

¹³ Элбетде, Худай бош налышы диңлемейәр, Гудратыгүйчли оңа әхмиет бермейәр.

¹⁴ Худайы гөрмейәрин дийсең-де, даваң Онуң өңүндедир, Оңа гараш.

¹⁵ Инди Худай гахарына җеза бермейәр, гүнә гаты үнс бермейәр дийип,

¹⁶ Эйюп бидерек сөзләп, хич зат билмезден гепини көпелдйәр».