Çölde 7 - Мукаддес Китап

7‑нҗи бап Баштутанлар садакаларыны гетирйәрлер

¹ Муса мукаддес чадыры дикип болуп, ичиниң әхли эсбаплары билен бирликде онуң үстүне яг сепеләп мукаддес этди. Гурбанлык сыпасыны-да онуң әхли энҗамлары билен бирликде онуң үстүне яг сепеләп мукаддес этди.

^2-3 Шондан соң илат санавына ёлбашчылык эден ысрайыл баштутанлары, ягны уругбашылары ве тиребашылары өз садакаларыны Реббиң хузурына гетирдилер. Олар алты саны үсти өртүлги араба билен он ики өкүзи – хер ики баштутан үчин бир араба ве хер баштутан үчин бир өкүзи мукаддес чадырың өңүне гетирдилер.

⁴ Онсоң Реб Муса шейле дийди:

⁵ «Оларың садакаларыны кабул эдип ал, Реббе йүз тутулян чадырда эдилйән ишлер үчин герек болар. Олары левилере хер бириниң битирйән ишлерине гөрә бер».

⁶ Муса арабалары ве өкүзлери гетирип, левилере берди.

⁷ Ол эдйән ишлерине гөрә ики араба билен дөрт өкүзи гершонлара берди.

⁸ Дөрт араба билен секиз өкүзи болса эдйән ишлерине гөрә мерарылара берди. Олар руханы Харуның оглы Ытамарың ёлбашчылыгы астында ишлейәрдилер.

⁹ Эмма ол кохатлара хич зат бермеди, чүнки оларың везипеси мукаддес затлары эгинлеринде дашамакды.

¹⁰ Гурбанлык сыпасының үстүне яг сепеләп, мукаддес эдиленден соң, баштутанлар хем онуң багыш эдилиш дабарасына садакалар хөдүрледилер. Олар өз садакаларыны гурбанлык сыпасының өңүне гетирдилер.

¹¹ Реб Муса: «Гурбанлык сыпасының багыш эдилишине хер гүн бир баштутан өз садакаларыны хөдүр этсин» дийди.

¹² Биринҗи гүн яхуда тиресинден Эминадабың оглы Нахшон садакаларыны хөдүр этди.

¹³ Онуң садакалары шулардан ыбаратды: Мукаддес өйүң ресми өлчеги билен аграмы үч йүз элли мысгал болан күмүш табак, аграмы йүз элли мысгал болан күмүш леген. Оларың икисем галла садакасы үчин зейтун ягы билен гарылан сайлама бугдай унундан долуды.

¹⁴ Ичи түтетгиден долы, аграмы йигрими мысгал болан алтын җам.

¹⁵ Якма гурбанлыгы үчин бир өкүзче, бир гоч, биряшар эркек токлы.

¹⁶ Гүнә гурбанлыгы үчин бир теке.

¹⁷ Саламатлык гурбанлыгы үчин хем ики өкүз, бәш гоч, бәш теке ве бәш саны биряшар эркек токлы. Ине, шулар Эминадабың оглы Нахшоның садакаларыды.

¹⁸ Икинҗи гүн ысакарларың баштутаны Сугарың оглы Нетанел садакаларыны хөдүр этди.

¹⁹ Онуң садакалары шулардан ыбаратды: мукаддес өйүң ресми өлчеги билен аграмы үч йүз элли мысгал болан күмүш табак, аграмы йүз элли мысгал болан күмүш леген. Оларың икисем галла садакасы үчин зейтун ягы билен гарылан сайлама бугдай унундан долуды.

²⁰ Ичи түтетгиден долы, аграмы йигрими мысгал болан алтын җам.

²¹ Якма гурбанлыгы үчин бир өкүзче, бир гоч, биряшар эркек токлы.

²² Гүнә гурбанлыгы үчин бир теке.

²³ Саламатлык гурбанлыгы үчин хем ики өкүз, бәш гоч, бәш теке ве бәш саны биряшар эркек токлы. Ине, шулар Сугарың оглы Нетанелиң садакаларыды.

²⁴ Үчүнҗи гүн зебулунларың баштутаны Хелоның оглы Элияп садакаларыны хөдүр этди.

²⁵ Онуң садакалары шулардан ыбаратды: мукаддес өйүң ресми өлчеги билен аграмы үч йүз элли мысгал болан күмүш табак, аграмы йүз элли мысгал болан күмүш леген. Оларың икисем галла садакасы үчин зейтун ягы билен гарылан сайлама бугдай ундан долуды.

²⁶ Ичи түтетгиден долы, аграмы йигрими мысгал болан алтын җам.

²⁷ Якма гурбанлыгы үчин бир өкүзче, бир гоч, биряшар эркек токлы.

²⁸ Гүнә гурбанлыгы үчин бир теке.

²⁹ Саламатлык гурбанлыгы үчин хем ики өкүз, бәш гоч, бәш теке ве бәш саны биряшар эркек токлы. Ине, шулар Хелоның оглы Элиябың садакаларыды.

³⁰ Дөрдүнҗи гүн рубенлериң баштутаны Шедеюрың оглы Элисур садакаларыны хөдүр этди.

³¹ Онуң садакалары шулардан ыбаратды: мукаддес өйүң ресми өлчеги билен аграмы үч йүз элли мысгал болан күмүш табак, аграмы йүз элли мысгал болан күмүш леген. Оларың икисем галла садакасы үчин зейтун ягы билен гарылан сайлама бугдай унундан долуды.

³² Ичи түтетгиден долы, аграмы йигрими мысгал болан алтын җам.

³³ Якма гурбанлыгы үчин бир өкүзче, бир гоч, биряшар эркек токлы.

³⁴ Гүнә гурбанлыгы үчин бир теке.

³⁵ Саламатлык гурбанлыгы үчин хем ики өкүз, бәш гоч, бәш теке ве бәш саны биряшар эркек токлы. Ине, шулар Шедеюрың оглы Элисурың садакаларыды.

³⁶ Бәшинҗи гүн шимгонларың баштутаны Сурышадайың оглы Шелумыел садакаларыны хөдүр этди.

³⁷ Онуң садакалары шулардан ыбаратды: мукаддес өйүң ресми өлчеги билен аграмы үч йүз элли мысгал болан күмүш табак, аграмы йүз элли мысгал болан күмүш леген. Оларың икисем галла садакасы үчин зейтун ягы билен гарылан сайлама бугдай унундан долуды.

³⁸ Ичи түтетгиден долы, аграмы йигрими мысгал болан алтын җам.

³⁹ Якма гурбанлыгы үчин бир өкүзче, бир гоч, биряшар эркек токлы.

⁴⁰ Гүнә гурбанлыгы үчин бир теке.

⁴¹ Саламатлык гурбанлыгы үчин хем ики өкүз, бәш гоч, бәш теке ве бәш биряшар эркек токлы. Ине, шулар Сурышадайың оглы Шелумыелиң садакаларыды.

⁴² Алтынҗы гүн гатларың баштутаны Дегувалың оглы Элясап садакаларыны хөдүр этди.

⁴³ Онуң садакалары шулардан ыбаратды: мукаддес өйүң ресми өлчеги билен аграмы үч йүз элли мысгал болан күмүш табак, аграмы йүз элли мысгал болан күмүш леген. Оларың икисем галла садакасы үчин зейтун ягы билен гарылан сайлама бугдай унундан долуды.

⁴⁴ Ичи түтетгиден долы, аграмы йигрими мысгал болан алтын җам.

⁴⁵ Якма гурбанлыгы үчин бир өкүзче, бир гоч, биряшар эркек токлы.

⁴⁶ Гүнә гурбанлыгы үчин бир теке.

⁴⁷ Саламатлык гурбанлыгы үчин хем ики өкүз, бәш гоч, бәш теке ве бәш биряшар эркек токлы. Ине, шулар Дегувалың оглы Элясабың садакаларыды.

⁴⁸ Единҗи гүн эфрайымларың баштутаны Эмихудың оглы Элишама садакаларыны хөдүр этди.

⁴⁹ Онуң садакалары шулардан ыбаратды: мукаддес өйүң ресми өлчеги билен аграмы үч йүз элли мысгал болан күмүш табак, аграмы йүз элли мысгал болан күмүш леген. Оларың икисем галла садакасы үчин зейтун ягы билен гарылан сайлама бугдай унундан долуды.

⁵⁰ Ичи түтетгиден долы, аграмы йигрими мысгал болан алтын җам.

⁵¹ Якма гурбанлыгы үчин бир өкүзче, бир гоч, биряшар эркек токлы.

⁵² Гүнә гурбанлыгы үчин бир теке.

⁵³ Саламатлык гурбанлыгы үчин хем ики өкүз, бәш гоч, бәш теке ве бәш биряшар эркек токлы. Ине, шулар Эмихудың оглы Элишаманың садакаларыды.

⁵⁴ Секизинҗи гүн манашаларың баштутаны Педахсурың оглы Гамлыел садакаларыны хөдүр этди.

⁵⁵ Онуң садакалары шулардан ыбаратды: мукаддес өйүң ресми өлчеги билен аграмы үч йүз элли мысгал болан күмүш табак, аграмы йүз элли мысгал болан күмүш леген. Оларың икисем галла садакасы үчин зейтун ягы билен гарылан сайлама бугдай унундан долуды.

⁵⁶ Ичи түтетгиден долы, аграмы йигрими мысгал болан алтын җам.

⁵⁷ Якма гурбанлыгы үчин бир өкүзче, бир гоч, биряшар эркек токлы.

⁵⁸ Гүнә гурбанлыгы үчин бир теке.

⁵⁹ Саламатлык гурбанлыгы үчин хем ики өкүз, бәш гоч, бәш теке ве бәш биряшар эркек токлы. Ине, шулар Педахсурың оглы Гамлыелиң садакаларыды.

⁶⁰ Докузынҗы гүн беняминлериң баштутаны Гидгонының оглы Абыдан садакаларыны хөдүр этди.

⁶¹ Онуң садакалары шулардан ыбаратды: мукаддес өйүң ресми өлчеги билен аграмы үч йүз элли мысгал болан күмүш табак, аграмы йүз элли мысгал болан күмүш леген. Оларың икисем галла садакасы үчин зейтун ягы билен гарылан сайлама бугдай унундан долуды.

⁶² Ичи түтетгиден долы, аграмы йигрими мысгал болан алтын җам.

⁶³ Якма гурбанлыгы үчин бир өкүзче, бир гоч, биряшар эркек токлы.

⁶⁴ Гүнә гурбанлыгы үчин бир теке.

⁶⁵ Саламатлык гурбанлыгы үчин хем ики өкүз, бәш гоч, бәш теке ве бәш биряшар эркек токлы. Ине, шулар Гидгонының оглы Абыданың садакаларыды.

⁶⁶ Онунҗы гүн данларың баштутаны Эмишадайың оглы Ахыгезер садакаларыны хөдүр этди.

⁶⁷ Онуң садакалары шулардан ыбаратды: мукаддес өйүң ресми өлчеги билен аграмы үч йүз элли мысгал болан күмүш табак, аграмы йүз элли мысгал болан күмүш леген. Оларың икисем галла садакасы үчин зейтун ягы билен гарылан сайлама бугдай унундан долуды.

⁶⁸ Ичи түтетгиден долы, аграмы йигрими мысгал болан алтын җам.

⁶⁹ Якма гурбанлыгы үчин бир өкүзче, бир гоч, биряшар эркек токлы.

⁷⁰ Гүнә гурбанлыгы үчин бир теке.

⁷¹ Саламатлык гурбанлыгы үчин хем ики өкүз, бәш гоч, бәш теке ве бәш саны биряшар эркек токлы. Ине, шулар Эмишадайың оглы Ахыгезериң садакаларыды.

⁷² Он биринҗи гүн ашерлериң баштутаны Окраның оглы Пагыел садакаларыны хөдүр этди.

⁷³ Онуң садакалары шулардан ыбаратды: мукаддес өйүң ресми өлчеги билен аграмы үч йүз элли мысгал болан күмүш табак, аграмы йүз элли мысгал болан күмүш леген. Оларың икисем галла садакасы үчин зейтун ягы билен гарылан сайлама бугдай унундан долуды.

⁷⁴ Ичи түтетгиден долы, аграмы йигрими мысгал болан алтын җам.

⁷⁵ Якма гурбанлыгы үчин бир өкүзче, бир гоч, биряшар эркек токлы.

⁷⁶ Гүнә гурбанлыгы үчин бир теке.

⁷⁷ Саламатлык гурбанлыгы үчин хем ики өкүз, бәш гоч, бәш теке ве бәш биряшар эркек токлы. Ине, шулар Окраның оглы Пагыелиң садакаларыды.

⁷⁸ Он икинҗи гүн нафталыларың баштутаны Эйнаның оглы Ахура садакаларыны хөдүр этди.

⁷⁹ Онуң садакалары шулардан ыбаратды: Мукаддес өйүң ресми өлчеги билен аграмы үч йүз элли мысгал болан күмүш табак, аграмы йүз элли мысгал болан күмүш леген. Оларың икисем галла садакасы үчин зейтун ягы билен гарылан сайлама бугдай унундан долуды.

⁸⁰ Ичи түтетгиден долы, аграмы йигрими мысгал болан алтын җам.

⁸¹ Якма гурбанлыгы үчин бир өкүзче, бир гоч, биряшар эркек токлы.

⁸² Гүнә гурбанлыгы үчин бир теке.

⁸³ Саламатлык гурбанлыгы үчин хем ики өкүз, бәш гоч, бәш теке ве бәш биряшар эркек токлы. Ине, шулар Эйнаның оглы Ахураның садакаларыды.

⁸⁴ Гурбанлык сыпасының үстүне яг сепеләп, мукаддес эдиленден соң, ысрайыл баштутанларының онуң багыш эдилиш дабарасына хөдүр эден садакалары, ине, шулардан ыбаратды: он ики күмүш табак, он ики күмүш леген ве он ики алтын җам.

⁸⁵ Хер күмүш табагың аграмы үч йүз элли мысгалды ве хер күмүш легениң аграмы йүз элли мысгалды. Әхли күмүш гапларың аграмы мукаддес өйүң ресми өлчеги билен алты мүң мысгалды.

⁸⁶ Ичи түтетгиден долы, хер бириниң аграмы йигрими мысгал болан он ики саны алтын кепҗәниң җеми аграмы мукаддес өйүң ресми өлчеги билен ики йүз кырк мысгалды.

⁸⁷ Якма гурбанлыгы үчин янының галла садакасы билен багыш эдилен малларың саны он ики өкүз, он ики гоч, он ики биряшар эркек токлы ве гүнә гурбанлыгы үчин он ики теке болды.

⁸⁸ Саламатлык гурбанлыгы үчин багыш эдилен малларың җеми саны: йигрими дөрт өкүз, алтмыш гоч, алтмыш теке ве алтмыш биряшар эркек токлы болды. Булар гурбанлык сыпасына яг сепеләп, мукаддес эдиленден соң, онуң багыш эдилиш дабарасына хөдүр эдилен садакалардыр.

⁸⁹ Муса Реб билен геплешмек үчин, Реббе йүз тутулян чадыра гиренде, ики керубың арасындан гелйән сеси эшидйәрди. Бу ики керуп Әхт сандыгының гапагының үстүндеди. Шейдип, Реб Муса билен геплешерди.