Çölde 33 - Мукаддес Китап

33‑нҗи бап Мүсүрден Моваба ченли йөриш

¹ Муса билен Харуның ёлбашчылыгы астында тиреме-тире йөрейән ысрайылларың Мүсүрден чыканларындан соңкы дүшлән дүшелгелери шулардыр.

² Муса Реббиң эмри билен дүшлән дүшелгелерини хер гезек язып белледи. Оларың дүшлән дүшелгелери шулардыр:

³ ысрайыллар биринҗи айың он бәшине Песах байрамының эртеси гүни мүсүрлилериң гөзүниң алнында аркайынлык билен Рагмесес галасындан чыкып гайтдылар.

⁴ Ол вагт мүсүрлилер Реббиң гыран новбахар огулларыны җайлаярдылар. Реб хатда оларың худайларыны-да җезаландырыпды.

⁵ Ысрайыллар Рагмесесден чыкып, Сукотда дүшледилер.

⁶ Соңра Сукотдан чыкып, чөлүң гырасындакы Этамда дүшледилер.

⁷ Этамдан чыкып, олар ызларына, Багалсепоның гүндогарындакы Пихахырота тарап өврүлип, Мигдолың голайында дүшледилер.

⁸ Пихахыротдан чыкып, деңзиң ичи билен чөле тарап гитдилер. Этам чөлүнде үч гүнләп йөрәп, Марада дүшледилер.

⁹ Ысрайыллар Марадан чыкып, Эйлиме гелдилер. Ол ерде он ики саны сувлы чешме ве етмиш саны палма агаҗы барды. Олар сувуң башында дүшледилер.

¹⁰ Эйлимден чыкып гелип, Гызыл деңзиң кенарында дүшледилер.

¹¹ Гызыл деңзиң кенарындан гайдып, Син чөлүнде,

¹² Син чөлүнден гайдып, Допкада,

¹³ Допкадан чыкып гелип, Алушда,

¹⁴ Алушдан чыкып гелип, Репидимде дүшледилер. Ол ерде халк үчин ичмәге сув ёкды.

¹⁵ Соң Репидимден чыкып, Синай чөлүнде,

¹⁶ Синай чөлүнден чыкып гелип, Кибротхатавада,

¹⁷ Кибротхатавадан чыкып гелип, Хасеротда,

¹⁸ Хасеротдан чыкып гелип, Ритмада,

¹⁹ Ритмадан чыкып гелип, Риммонпересде,

²⁰ Риммонпересден чыкып гелип, Либнада,

²¹ Либнадан чыкып гелип, Рисада,

²² Рисадан чыкып гелип, Кехелатада,

²³ Кехелатадан чыкып гелип, Шепер дагында,

²⁴ Шепер дагындан чыкып гелип, Харадада,

²⁵ Харададан чыкып гелип, Макхелотда,

²⁶ Макхелотдан чыкып гелип, Тахатда,

²⁷ Тахатдан чыкып гелип, Терада,

²⁸ Терадан чыкып гелип, Миткада,

²⁹ Миткадан чыкып гелип, Хашмонада,

³⁰ Хашмонадан чыкып гелип, Мосеротда,

³¹ Мосеротдан чыкып гелип, Бенеягаканда.

³² Бенеягакандан чыкып гелип, Хорхагыдгатда,

³³ Хорхагыдгатдан чыкып гелип, Ётбатада,

³⁴ Ётбатадан чыкып гелип, Абронда,

³⁵ Аброндан чыкып гелип, Эсёнгеберде,

³⁶ Эсёнгеберден чыкып гелип, Син чөлүнде (ягны Кадешде),

³⁷ Кадешден чыкып гелип, Эдомың серхединдәки Хор дагында дүшледилер.

³⁸ Руханы Харун Реббиң буйругы билен Хор дагына чыкды. Ол шол ерде ысрайылларың Мүсүрден чыканларындан соңкы кыркынҗы йылының бәшинҗи айының биринҗи гүни аманадыны табшырды.

³⁹ Хор дагында өлен Харун бир йүз йигрими үч яшындады.

⁴⁰ Негепде яшаян кенган Арат ханы ысрайылларың гелйәндиги хакда эшитди.

⁴¹ Ысрайыллар Хор дагындан гайдып, Салмонада дүшледилер.

⁴² Салмонадан чыкып, Пунонда дүшледилер.

⁴³ Пунондан чыкып, Оботда дүшледилер.

⁴⁴ Оботдан чыкып, Мовап юрдундакы Ией Абарымда дүшледилер.

⁴⁵ Ией Абарымдан чыкып, Дибонгатда дүшледилер.

⁴⁶ Дибонгатдан чыкып, Алмондыблатаймада дүшледилер.

⁴⁷ Алмондыблатаймадан чыкып, Небоның голайындакы Абарым дагларында дүшледилер.

⁴⁸ Абарым дагларындан гайдып, Иордан дерясының боюнда, Ерихоның гаршысында ерлешйән Мовап дүзлүгинде дүшледилер.

⁴⁹ Олар Иордан дерясының боюнда, Бейтешимотдан тә Абелшитиме ченли Мовап дүзлүгинде дүшелге гуруп отурдылар.

Кенганың басылып алынмалы ерлери

⁵⁰ Иорданың боюнда, Ерихоның гаршысындакы Мовап дүзлүгинде Реб Муса билен геплешип, оңа шейле дийди:

⁵¹ «Ысрайыллара айт, Иордан дерясындан гечип, Кенгана баранларында,

⁵² юрдуң илатының хеммесини ковуп чыкарсынлар. Оларың әхли даш ве гуйма бутларыны дөвсүнлер, сеждегәхлерини ёк этсинлер.

⁵³ Юрды басып алып, ол ерде месген тутсунлар, чүнки Мен оны олара мүлк эдип бердим.

⁵⁴ Юрды биҗе боюнча тирелер арасында пайлашсынлар. Улы тирә улы мүлк, кичи тирә-де кичи мүлк берилсин. Кимиң биҗеси чыкса, мүлк хем шонуңкы болар. Мүлк тирелере гөрә пайлансын.

⁵⁵ Эмма ысрайыллар ерли илаты ковуп чыкармасалар, онда ол ерде галанлар ысрайылларың гөзлерине дүртүлен иңңе, бөвүрлерине санҗылан тикен ялы боларлар. Яшаҗак юртларында олар ысрайыллары эзерлер.

⁵⁶ Мен хем олара чекдирҗек азапларымы ысрайылларың башындан индерерин».