Çölde 26 - Мукаддес Китап

26-нҗы бап Муса ысрайыллары икинҗи гезек хасаба аляр

¹ Реб ысрайыллары гыргынчылык билен ёк этмегини бес эденден соң, Муса билен Харуның оглы Элгазара:

² «Яшы йигрими ве ондан ёкары болан сөвеше укыплы, бүтин ысрайыл халкының хер бир эркегиниң саныны ковумларына гөрә екеме-еке хасаба ал» дийди.

³ Ысрайыл халкы бу вагт Иордан дерясының боюнда, Ерихоның гаршысында ерлешйән Мовап дүзлүгинде дүшелге гурупды. Муса билен Элгазар ысрайыллара Реббиң Муса буйрушы ялы:

⁴ «Яшы йигрими ве ондан ёкары болан адамларың хасабыны алың» дийдилер. Мүсүрден чыкып гелен ысрайылларың санавы шулардыр:

⁵ Ысрайылың новбахар оглы Рубениң несиллеринден: Ханогың неслинден ханоклар уругы, Паллувың неслинден паллулар уругы,

⁶ Хесроның неслинден хесронлар уругы, Кармының неслинден кармылар уругы.

⁷ Буларың бары рубенлериң уругларыдыр, олар кырк үч мүң еди йүз отуз адам болды.

⁸ Паллувың огулларындан Элияп.

⁹ Элиябың неслинден: Немувал, Датан ве Абырам. Булар шол халкың ичинден сайланан, Реббе боюн эгмән, Муса билен Харуның гаршысына гозгалаң турзан Кораның топарына гошулан Датан билен Абырамдыр.

¹⁰ Ер ярылып, олары Кора билен бирликде ювудыпды. Ол ердәки ики йүз элли адам ода яныпды. Олар шейдип, башгалара-да гөз болупдылар.

¹¹ Кораның огуллары болса өлмән галыпдылар.

¹² Уругларына гөрә Шимгон огуллары шулардыр: Немувалың неслинден немуваллар уругы, Ямының неслинден ямынлар уругы, Якиниң неслинден якинлер уругы,

¹³ Зераның неслинден зералар уругы, Шавулың неслинден шавуллар уругы.

¹⁴ Шимгон уруглары шулардан ыбаратдыр, олар йигрими ики мүң ики йүз адамдыр.

¹⁵ Уругларына гөрә Гат огуллары шулардыр: Сепоның неслинден сепонлар уругы, Хагының неслинден хагылар уругы, Шунының неслинден шунылар уругы,

¹⁶ Ознының неслинден ознылар уругы, Эриниң неслинден эрилер уругы,

¹⁷ Ародың неслинден аротлар уругы, Арелиниң неслинден арелилер уругы.

¹⁸ Гат уруглары шулардыр, олар кырк мүң бәш йүз адамдыр.

¹⁹ Яхуданың огуллары: Эр ве Онан. Оларың икиси хем Кенган топрагында өлдүлер.

²⁰ Уругларына гөрә Яхуданың огуллары шулардыр: Шеланың неслинден шелалар уругы, Пересиң неслинден переслер уругы, Зераның неслинден зералар уругы.

²¹ Перес огулларындан боланлар шулардыр: Хесроның неслинден хесронлар уругы, Хамулың неслинден хамуллар уругы.

²² Яхуданың уруглары шулардан ыбаратдыр, оларың адам саны етмиш алты мүң бәш йүз кишидир.

²³ Уругларына гөрә Ысакарың огуллары шулардыр: Толаның неслинден толалар уругы, Пуваның неслинден пунылар уругы,

²⁴ Яшубың неслинден яшуплар уругы, Шимроның неслинден шимронлар уругы.

²⁵ Ысакар уруглары шулардыр, оларың адам саны алтмыш дөрт мүң үч йүз кишидир.

²⁶ Уругларына гөрә Зебулун огуллары шулардыр: Сарадың неслинден саратлар уругы, Эйлоның неслинден эйлонлар уругы, Яхлеелиң неслинден яхлееллер уругы.

²⁷ Зебулун уруглары шулардыр, оларың адам саны алтмыш мүң бәш йүз кишидир.

²⁸ Уругларына гөрә Юсубың огуллары: Манаша билен Эфрайым.

²⁹ Манашаның огуллары: Макырың неслинден макырлар уругы. Макыр Гилгадың атасыды, Гилгадың неслинден гилгатлар уругы.

³⁰ Гилгадың огулларындан боланлар: Игезериң неслинден игезерлер уругы, Хелегиң неслинден хелеклер уругы,

³¹ Асрыелиң неслинден асрыеллер уругы, Шекемиң неслинден шекемлер уругы,

³² Шемиданың неслинден шемидалар уругы, Хепериң неслинден хеперлер уругы.

³³ Хепериң оглы Селопхадың оглы ёкды, йөне онуң Махла, Нога, Хогла, Милка ве Тирса атлы гызлары барды.

³⁴ Манаша уруглары шулардан ыбаратдыр, оларың адам саны элли ики мүң еди йүз кишидир.

³⁵ Уругларына гөрә Эфрайымың неслинден дөрәнлер шулардыр: Шутеланың неслинден шутелалар уругы, Бекериң неслинден бекерлер уругы, Таханың неслинден таханлар уругы.

³⁶ Булар Шутеланың неслинден дөрәнлердир: Эраның неслинден эранлар уругы.

³⁷ Эфрайым уруглары шулардыр, оларың адам саны отуз ики мүң бәш йүз кишидир. Уругларына гөрә Юсубың несиллери шуларды.

³⁸ Уругларына гөрә Беняминиң огуллары шулардыр: Баланың неслинден балалар уругы, Ашбелиң неслинден ашбеллер уругы, Ахырамың неслинден ахырамлар уругы,

³⁹ Шефуфамың неслинден шуфамлар уругы, Хупамың неслинден хупамлар уругы.

⁴⁰ Баланың Арт ве Нагаман атлы огуллары барды: Артың неслинден артлар уругы, Нагаманың неслинден нагаманлар уругы.

⁴¹ Уругларына гөрә Беняминиң несиллери шуларды, оларың адам саны кырк бәш мүң алты йүз кишидир.

⁴² Уругларына гөрә Даның огулларындан боланлар шуларды: Шухамың неслинден шухамлар уругы. Булар Дан уругларыды.

⁴³ Шухам уругларының хеммесиниң җеми алтмыш дөрт мүң дөрт йүз адамды.

⁴⁴ Уругларына гөрә Ашер огулларындан дөрәнлер шуларды: Йимнаның неслинден йимналар уругы, Йишвиниң неслинден йишвилер уругы, Бериганың неслинден беригалар уругы.

⁴⁵ Бериганың огулларындан: Хебериң неслинден хеберлер уругы, Малкыелиң неслинден малкыеллер уругы.

⁴⁶ Ашериң гызының ады Серады.

⁴⁷ Булар ашер уругларыды, оларың адам саны элли үч мүң дөрт йүз кишидир.

⁴⁸ Уругларына гөрә Нафталының огулларындан дөрәнлер: Яхсеелиң неслинден яхсеел уругы, Гунының неслинден гунылар уругы,

⁴⁹ Езериң неслинден езерлер уругы, Шиллемиң неслинден шиллемлер уругы.

⁵⁰ Булар нафталы уругларыды, оларың адам саны кырк бәш мүң дөрт йүз кишидир.

⁵¹ Саналып, хасаба алнан ысрайылларың җеми алты йүз бир мүң еди йүз отуз адам болды.

⁵² Реб Муса шейле дийди:

⁵³ «Адамларының санына гөрә, ерлери тирелериң арасында мүлк эдип пайлаң.

⁵⁴ Улы тирелере улы, кичи тирелере кичи мүлк ер бериң. Хер бир тирә хасаба алнан санына гөрә мүлк берилмелидир.

⁵⁵ Юрды биҗе боюнча тирелер арасында пайлашсынлар. Хер ким өз тиресиниң пайына гөрә эелемелидир.

⁵⁶ Ер биҗе атылып пайлансын, улы пайы улы тирә, кичи пайы кичи тирә бериң».

⁵⁷ Уругларына гөрә левилериң санавы: Гершоның неслинден гершонлар уругы, Кохадың неслинден кохатлар уругы, Мерарының неслинден мерарылар уругы.

⁵⁸ Булар хем Леви уругларыдыр: либнилер уругы, хебронлар уругы, махлылар уругы, мушылар уругы, коралар уругы. Кохат Имраның атасыды.

⁵⁹ Имраның аялының ады Ёкебетди. Ол Левиниң гызыды ве Мүсүрде доглупды. Ёкебет билен Имрандан Харун, Муса ве оларың уясы Меръем догулды.

⁶⁰ Харуның Надап, Абыху, Элгазар ве Ытамар диен огуллары болды.

⁶¹ Эмма Надап билен Абыху Реббиң хузурында мукаддес болмадык оды хөдүр эдендиклери үчин өлдүлер.

⁶² Бир айлык ве ондан ёкары яшындакы хасаба алнан эркек гөбекли левилер йигрими үч мүң адам болды. Левилер ысрайыллардан айры хасаба алындылар. Чүнки олара Ысрайылда хич бир пай берилмеди.

⁶³ Иордан дерясының боюнда, Ерихоның гаршысындакы Мовап дүзлүгинде Муса билен Элгазар Ысрайылың илат санавыны гечиренлеринде, әхли тирелериң хасабыны алдылар.

⁶⁴ Муса билен руханы Харуның Синай чөлүнде гечирен илат санавында хасаба аланларының екеҗеси-де бу гезекдәкилериң арасында ёкды.

⁶⁵ Чүнки Реб олар хакда шейле дийипди: «Оларың хеммеси чөлде өлүп гидерлер. Епуннәниң оглы Калеп билен Нунуң оглы Ешувадан башга оларың екеҗеси хем дири галмаз».