Çölde 2 - Мукаддес Китап

2‑нҗи бап Тирелериң ерлешиш ве йөриш тертиби

¹ Реб Муса билен Харуна шейле дийди:

² «Ысрайыл тирелери дүшләнде, херси өз дүшелгесинде өз уругларының тугы астында чадырларыны диксинлер. Олар чадырларыны Реббе йүз тутулян чадырдан узагракда диксинлер.

³ Яхуда гошунлары мукаддес чадырың гүндогарында өз тугы астында дүшелгесини гурсун. Яхудаларың баштутаны Эминадабың оглы Нахшондыр.

⁴ Онуң гошунында хасаба алнанлар етмиш дөрт мүң алты йүз адамдыр.

⁵ Онуң янында ысакар тиресиниң дүшелгеси болсун. Ысакарларың баштутаны Сугарың оглы Нетанелдир.

⁶ Онуң гошунында хасаба алнанлар элли дөрт мүң дөрт йүз адамдыр.

⁷ Онуң гапдалында зебулун тиреси чадырыны диксин. Зебулунларың баштутаны Хелоның оглы Элияпдыр.

⁸ Онуң гошунында хасаба алнанлар элли еди мүң дөрт йүз адамдыр.

⁹ Яхуда дүшелгесиндәки хасаба алнан гошуның җеми бир йүз сегсен алты мүң дөрт йүз адам. Йөрише илкинҗи болуп шолар чыксынлар.

¹⁰ Гүнорта гапдалында, өз тугы астында рубен гошунларының дүшелгеси болсун. Рубенлериң баштутаны Шедеюрың оглы Элисурдыр.

¹¹ Онуң гошунында хасаба алнанлар кырк алты мүң бәш йүз адамдыр.

¹² Онуң янында шимгон тиресиниң дүшелгеси болсун. Шимгонларың баштутаны Сурышадайың оглы Шелумыелдир.

¹³ Онуң гошунында хасаба алнанлар элли докуз мүң үч йүз адамдыр.

¹⁴ Онуң гапдалында гат тиреси чадырыны диксин. Гатларың баштутаны Регувалың оглы Элясапдыр.

¹⁵ Онуң гошунында хасаба алнанлар кырк бәш мүң алты йүз элли адамдыр.

¹⁶ Рубен дүшелгесиндәки хасаба алнан гошуның җеми бир йүз элли бир мүң дөрт йүз элли адам. Олар йөрише икинҗи болуп чыксынлар.

¹⁷ Левилериң дүшелгеси Реббе йүз тутулян чадыр билен билеликде бейлеки дүшелгелериң ортасында йөремелидир. Эдил дүшлейишлери ялы, хер бир адам өз орнунда, өз тугы астында йөрише чыксын.

¹⁸ Гүнбатар гапдалында өз тугы астында эфрайым гошунларының дүшелгеси болсун. Эфрайымларың баштутаны Эмихудың оглы Элишамадыр.

¹⁹ Онуң гошунында хасаба алнанлар кырк мүң бәш йүз адамдыр.

²⁰ Онуң янында манаша тиресиниң дүшелгеси болсун. Манашаларың баштутаны Педахсурың оглы Гамалыелдир.

²¹ Онуң гошунында хасаба алнанлар отуз ики мүң ики йүз адамдыр.

²² Онуң гапдалында бенямин тиресиниң дүшелгеси болсун. Беняминлериң баштутаны Гидгонының оглы Абыдандыр.

²³ Онуң гошунында хасаба алнанлар отуз бәш мүң дөрт йүз адамдыр.

²⁴ Эфрайым дүшелгесиндәки гошуның җеми бир йүз секиз мүң бир йүз адам. Олар йөрише үчүнҗи болуп чыксынлар.

²⁵ Демиргазык гапдалында, өз тугы астында дан гошунларының дүшелгеси болсун. Данларың баштутаны Эмишадайың оглы Ахыгезердир.

²⁶ Онуң гошунында хасаба алнанлар алтмыш ики мүң еди йүз адамдыр.

²⁷ Онуң янында ашер тиресиниң дүшелгеси болсун. Ашерлериң баштутаны Окраның оглы Пагыелдир.

²⁸ Онуң гошунында хасаба алнанлар кырк бир мүң бәш йүз адамдыр.

²⁹ Онуң гапдалында нафталы тиресиниң дүшелгеси болсун. Нафталыларың баштутаны Эйнаның оглы Ахурадыр.

³⁰ Онуң гошунында хасаба алнанлар элли үч мүң дөрт йүз адамдыр.

³¹ Дан дүшелгесиндәки гошуның җеми бир йүз элли еди мүң алты йүз адам. Олар иң соңкы болуп, херси өз тугы астында йөрише чыксынлар».

³² Ысрайылларың уругларына гөрә хасаба алнанларының җеми шейледи. Дүшелгелердәки хасаба алнан гошуның җеми алты йүз үч мүң бәш йүз элли адам болды.

³³ Реббиң Муса буйрушы ялы, левилер бейлеки ысрайылларың арасында хасаба алынмады.

³⁴ Ысрайыллар эдил Реббиң Муса буйрушы ялы этдилер. Оларың хер бири өз тугы астында ерлешип, өз уругына ве ковумына гөрә, айдылан тертипде йөрише чыкдылар.