Bìoball air-loidhne

歷代志上卷 9 - 現代台語譯本羅馬字版

Siū-lia̍h Tò-tńg--lâi ê Lâng

¹ Só͘-ū ê Í-sek-lia̍t-lâng, chiàu ka-phó͘, ū teng-lio̍k tī Í-sek-lia̍t Lia̍t-ông-sú. Iû-tāi-lâng in-ūi pōe-poān Siōng-tè, siū-lia̍h khì Pa-pí-lûn.

² Tāi-seng tńg-lâi ka-kī ê siâⁿ, tòa tī ka-kī só͘-iú-tōe ê lâng, ū Í-sek-lia̍t ê pêng-bîn, chè-si, Lī-bī-lâng, sèng-tiān ê kang-lâng.

³ Iû-tāi, Piān-ngá-bín, Í-hoat-liân, Má-ná-se chiah-ê chi-cho̍k ê lâng tòa tī Iâ-lō͘-sat-léng.

^4-6 Iû-tāi chi-cho̍k ū la̍k-pah káu-cha̍p ê ka-cho̍k tòa tī Iâ-lō͘-sat-léng. Iû-tāi ê kiáⁿ Hoat-le̍k-su ê hō͘-tāi ū O͘-thài; O͘-thài sī A-bí-hut ê kiáⁿ, A-bí-hut sī Àm-lī ê kiáⁿ, Àm-lī sī Im-lī ê kiáⁿ, Im-lī sī Pa-nî ê kiáⁿ. Sī-lô ê hō͘-tāi ū tōa-kiáⁿ A-sat-ngá, kap i ê chèng-kiáⁿ. Siā-la ê hō͘-tāi ū Iâ-o͘-lī kap i ê hiaⁿ-tī.

⁷ Piān-ngá-bín ê hō͘-tāi ū Sat-lō͘; Sat-lō͘ sī Bí-su-lân ê kiáⁿ, Hô-ta̍t-ui-ngá ê sun, Hap-se-ló͘-a ê kan-á-sun.

⁸ Koh ū I-pí-nî-ngá, I-pí-nî-ngá sī Iâ-lô-hán ê kiáⁿ; koh ū Í-la, Í-la sī O͘-se ê kiáⁿ, Bí-ki-lī ê sun; koh ū Bí-su-lân, Bí-su-lân sī Sī-hoat-thê-ngá ê kiáⁿ, Liû-ní ê sun, Í-pí-nî-ngá ê kan-á-sun.

⁹ Piān-ngá-bín chi-cho̍k ū káu-pah gō͘-cha̍p-la̍k ê lâng, tòa tī Iâ-lō͘-sat-léng. Í-siōng chiah-ê lâng lóng sī ka-cho̍k ê cho̍k-tiúⁿ, ū teng-lio̍k tī ka-phó͘.

Tòa tī Iâ-lō͘-sat-léng ê Chè-si

¹⁰ Chè-si tiong ū Iâ-tāi-ngá, Iâ-hô-ngá-li̍p, Ngá-kun,

¹¹ iáu ū Siōng-tè sèng-tiān ê chóng-koán A-sat-lī-ngá; A-sat-lī-ngá sī Hi-le̍k-ka ê kiáⁿ, Hi-le̍k-ka sī Bí-su-lân ê kiáⁿ, Bí-su-lân sī Sat-tok ê kiáⁿ, Sat-tok sī Bí-la-iok ê kiáⁿ, Bí-la-iok sī A-hi-tu̍t ê kiáⁿ.

¹² Koh ū Iâ-lô-hán ê kiáⁿ A-tāi-ngá, Iâ-lô-hán sī Pa-si-hō͘-ní ê kiáⁿ, Pa-si-hō͘-ní sī Má-ki-ngá ê kiáⁿ; koh ū A-tí-gia̍p ê kiáⁿ Má-sài, A-tí-gia̍p sī Ngá-hi-sòe-la ê kiáⁿ, Ngá-hi-sòe-la sī Bí-su-lân ê kiáⁿ, Bí-su-lân sī Bí-si̍t-lī-bi̍t ê kiáⁿ, Bí-si̍t-lī-bi̍t sī Im-be̍k ê kiáⁿ.

¹³ Í-siōng chiah-ê lâng lóng chòe in ka-cho̍k ê cho̍k-tiúⁿ, chin gâu chhú-lí Siōng-tè tiān-lāi ê sū-bū; in lóng-chóng ū chi̍t-chheng chhit-pah la̍k-cha̍p lâng.

Tòa tī Iâ-lō͘-sat-léng ê Lī-bī-lâng

¹⁴ Lī-bī-lâng Bí-la-lī ê hō͘-tāi ū Hap-sa-pí-ngá ê kan-á-sun, A-su-lī-kan ê sun, Hap-su̍t ê kiáⁿ Sī-má-ngá.

¹⁵ Koh ū Poa̍t-pa-kah, Hek-le̍k-si, Ka-la, kap Má-tha-nî; Má-tha-nî sī A-sat ê kan-á-sun, Sè-ki-lī ê sun, Bí-ka ê kiáⁿ.

¹⁶ Koh ū Iâ-tō͘-tùn ê kan-á-sun, Ka-la ê sun, Sī-má-ngá ê kiáⁿ Gô-pa-tí-a. Koh ū Í-lī-ka-ná ê sun, A-sat ê kiáⁿ Pí-lī-ka. In lóng tòa tī Nî-tô-hoat-lâng ê chng-siā.

Tòa tī Iâ-lō͘-sat-léng ê Sèng-tiān Siú-ōe

¹⁷ Sèng-tiān ê siú-ōe ū: Sa-liông, A-kok, Ta̍t-bûn, A-hi-bān, kap in ê hiaⁿ-tī; Sa-liông chòe in ê thâu.

¹⁸ In í-chêng kò͘-siú tang-pêng ông ê mn̂g; in khah-chá sī Lī-bī-cho̍k iâⁿ-tiong ê siú-ōe.

¹⁹ Khó-la ê kan-á-sun, Í-pí-ngá-sat ê sun, Khó-lī ê kiáⁿ Sa-liông, kap kâng-cho̍k ê hiaⁿ-tī Khó-la-lâng, lóng hū-chek sū-bū, koh khàn-siú hōe-bō͘ ê mn̂g; in ê chó͘-sian bat kò͘-siú Siōng Chú hōe-bō͘ iâⁿ-tōe ê ji̍p-kháu.

²⁰ Í-chêng Í-lī-a-sat ê kiáⁿ Hui-nî-hap bat chòe in ê chóng-koán, Siōng Chú mā kap i tông-chāi.

²¹ Bí-si-lī-bí-ngá ê kiáⁿ Sat-ka-lī-a mā-sī hōe-bō͘ ji̍p-kháu ê siú-ōe.

²² Siū kéng-soán chòe hōe-bō͘ ji̍p-kháu siú-ōe ê lâng ū nn̄g-pah cha̍p-jī ê. In tī ka-kī ê chng-siā, ū teng-lio̍k tī in ê ka-phó͘. In siū Tāi-pi̍t kap sian-kiàn Sat-bó-ní chí-phài, hū-chek chit-ê chit-bū.

²³ In kap in ê hō͘-tāi kè-sio̍k kò͘-siú Siōng Chú sèng-tiān ê mn̂g, chiū-sī hōe-bō͘ ê ji̍p-kháu.

²⁴ Tang sai lâm pak sì pêng ê ji̍p-kháu lóng ū siú-ōe.

²⁵ In tiàm tī ta̍k chng-siā ê hiaⁿ-tī, múi chhit ji̍t lûn-liû hun-tam in ê kang-chok.

²⁶ Chit sì ê ji̍p-kháu ê siú-ōe-tiúⁿ sī Lī-bī-lâng, chiàu in ê chit-chek, koán-lí Siōng-tè sèng-tiān ê pâng-keng kap hú-khò͘.

²⁷ In tī Siōng-tè sèng-tiān ê chiu-ûi kè-mî, in-ūi in siū-thok khàn-siú sèng-tiān, ta̍k chá-khí hū-chek khui-mn̂g.

Kî-tha ê Lī-bī-lâng

²⁸ Lī-bī-lâng tiong-kan ū lâng koán-lí kèng-pài ēng ê khì-khū, the̍h-chhut the̍h-ji̍p lóng tio̍h tiám-sǹg.

²⁹ Koh ū lâng siū phài koán-lí sèng-só͘ kî-tha só͘-ū ê khì-khū, í-ki̍p mī-hún, chiú, iû, jú-hiuⁿ, kap phang-liāu.

³⁰ Chè-si ê hō͘-tāi koh ū lâng hū-chek tiâu-hô phang-liāu.

³¹ Lī-bī-lâng Má-tha-thê-ngá sī Khó-la-cho̍k Sa-liông ê tōa-kiáⁿ, siū phài hū-chek hang-piáⁿ ê kang-chok.

³² In kâng-cho̍k ê hiaⁿ-tī Ko-hat ê hō͘-tāi, ū lâng hū-chek chún-pī An-hioh-ji̍t hiàn-chè ê piáⁿ.

³³ Hū-chek chhiùⁿ-koa ê lâng sī Lī-bī-lâng ka-cho̍k ê cho̍k-tiúⁿ, tiàm tī sèng-tiān ê pâng-keng, bô chòe pa̍t-hāng khang-khè, in-ūi mî-ji̍t lóng tio̍h ài sū-hōng.

³⁴ Í-siōng chiah-ê lâng, chiàu cho̍k-phó͘ ê kì-lio̍k, sī Lī-bī-lâng ka-cho̍k ê cho̍k-tiúⁿ, lóng tòa tī Iâ-lō͘-sat-léng.

Sò-lô-ông ê Chó͘-sian kap Hō͘-tāi
( 1 Tāi 8.29-38 )

³⁵ Iâ-lī khai-chhòng Ki-piàn-siâⁿ, khiā-khí tī hia; i ê bó͘ kiò-chòe Má-ka.

³⁶ I ê tōa-kiáⁿ sī A-pek-tùn, koh ū So͘-ní, Ki-sū, Pa-le̍k, Nî-ní, Ná-tap,

³⁷ Ki-to, A-hi-iok, Sat-ka-lī-a, kap Bí-ki-lô.

³⁸ Bí-ki-lô siⁿ Sī-bí-àm. Chiah-ê lâng lóng khiā-khí tī Iâ-lō͘-sat-léng, kap in ê chhin-cho̍k tòa tùi-bīn.

³⁹ Nî-ní siⁿ Ki-sū, Ki-sū siⁿ Sò-lô, Sò-lô ū sì ê kiáⁿ: Iok-ná-tan, Be̍k-ki Su-a, A-pí-ná-ta̍t, kap I-si-pa-le̍k.

⁴⁰ Iok-ná-tan siⁿ Bí-le̍k Pa-le̍k, Bí-le̍k Pa-le̍k siⁿ Bí-ka.

⁴¹ Bí-ka ū sì ê kiáⁿ: Pí-tun, Bí-le̍k, Tha-lī-a, kap A-hap-su.

⁴² A-hap-su siⁿ Ngá-la, Ngá-la ū saⁿ ê kiáⁿ: A-la-bia̍t, A-su-má-ui, kap Sim-lī. Sim-lī siⁿ Mô͘-sat,

⁴³ Mô͘-sat siⁿ Pí-nî-a, Pí-nî-a siⁿ Lī-hoat-ngá, Lī-hoat-ngá siⁿ Í-lī-a-sat, Í-lī-a-sat siⁿ A-sek.

⁴⁴ A-sek ū la̍k ê kiáⁿ: A-su-lī-kan, Pho-ki-lō͘, Í-si̍t-má-lī, Sī-a-lī-ngá, Gô-pa-tí-a, kap Hap-lân.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan