Bìoball air-loidhne

歷代志上卷 7 - 現代台語譯本羅馬字版

Í-sat-ka ê Hō͘-tāi

¹ Í-sat-ka ū sì ê kiáⁿ: Tô-la, Phó͘-óa, Ngá-su̍t, kap Sin-lûn.

² Tô-la ū la̍k ê kiáⁿ: O͘-se, Lī-hoat-ngá, Iâ-le̍k, Ngá-mái, E̍k-pek-sàn, kap Sat-bó-ní, lóng sī Tô-la chong-cho̍k ê cho̍k-tiúⁿ, tī in ê sè-tāi sī kiông-béng ê ióng-sū; tī Tāi-pi̍t ê sî-tāi, in ê jîn-sò͘ ū nn̄g-bān nn̄g-chheng la̍k-pah ê lâng.

³ O͘-se ū chi̍t ê kiáⁿ I-su-la-hi; I-su-la-hi kap i sì ê kiáⁿ Bí-ka-le̍k, Gô-pa-tí-a, Iok-ní, I-sī-ngá, lóng sī cho̍k-tiúⁿ.

⁴ In léng-tō ê lâng, chiàu in ê chong-cho̍k sè-hē, ōe-tàng kau-chiàn--ê ū saⁿ-bān la̍k-chheng; in-ūi in ê bó͘ kap kiáⁿ chin chōe.

⁵ In kâng Í-sat-ka chi-cho̍k ê hiaⁿ-tī, ū teng-lio̍k tī ka-phó͘ kiông-béng ê ióng-sū, lóng-chóng ū poeh-bān chhit-chheng lâng.

Piān-ngá-bín ê Hō͘-tāi

⁶ Piān-ngá-bín ū saⁿ ê kiáⁿ: Pí-la, Pí-kiat, Iâ-thia̍p.

⁷ Pí-la ū gō͘ ê kiáⁿ: Í-su-pún, O͘-se, O͘-siat, Iâ-lī-mô͘, kap Í-lī, lóng sī cho̍k-tiúⁿ; teng-lio̍k tī ka-phó͘ ê kiông-béng ióng-sū, lóng-chóng ū nn̄g-bān nn̄g-chheng khòng saⁿ-cha̍p-sì lâng.

⁸ Pí-kiat ū káu ê kiáⁿ: Sòe-bí-la, Iok-a-si, Í-lī-í-siā, Í-lī-iok-nái, Àm-lī, Iâ-lī-mô͘, A-pí-ngá, A-ná-tu̍t, kap A-la-bia̍t,

⁹ in lóng sī cho̍k-tiúⁿ; chiàu in ê chong-cho̍k sè-hē, kiông-béng ê ióng-sū ū nn̄g-bān khòng nn̄g-pah lâng.

¹⁰ Iâ-thia̍p ū chi̍t ê kiáⁿ Phek-hán, Phek-hán ū chhit ê kiáⁿ: Iâ-o͘-si, Piān-ngá-bín, Í-hut, Ki-ná-ná, Sòe-thán, Tha-si, kap A-hi-sa-hap.

¹¹ In lóng sī Iâ-thia̍p ê hō͘-tāi, sī cho̍k-tiúⁿ, mā-sī kiông-béng ê ióng-sū; ōe-tàng kau-chiàn ê lâng ū chi̍t-bān chhit-chheng nn̄g-pah lâng.

¹² Iáu ū Í-ní ê kiáⁿ Su-pêng kap Hō͘-pêng, í-ki̍p A-hek ê kiáⁿ Hō͘-sin.

Ná-hut-tha-lī ê Hō͘-tāi

¹³ Ná-hut-tha-lī ū sì ê kiáⁿ: Ngá-sih, Ko͘-nî, Iâ-sek, kap Sa-liông; in lóng sī Phek-la ê hō͘-tāi.

Má-ná-se ê Hō͘-tāi

¹⁴ Má-ná-se ê sòe-î A-lân ê lú-chú kā i siⁿ A-su-lia̍t, kap Ki-lia̍t ê khai-thok-chiá Má-kiat.

¹⁵ Má-kiat kā Hō͘-pêng kap Su-pêng kok chhōa chi̍t ê bó͘; i ê sió-bē kiò-chòe Má-ka. Tē-jī ê kiáⁿ kiò-chòe Se-lô-hui-hap; Se-lô-hui-hap chí-ū siⁿ cha-bó͘-kiáⁿ.

¹⁶ Má-kiat ê bó͘ Má-ka siⁿ chi̍t ê kiáⁿ, kiò-chòe Pí-lī-si. Pí-lī-si ū sió-tī kiò-chòe Sī-lī-si; Sī-lī-si ê kiáⁿ sī O͘-lân kap Lī-kim.

¹⁷ O͘-lân ê kiáⁿ sī Pí-tān. Chiah-ê lóng sī Ki-lia̍t ê hō͘-tāi. Ki-lia̍t sī Má-kiat ê kiáⁿ, Má-kiat sī Má-ná-se ê kiáⁿ.

¹⁸ Ki-lia̍t ê sió-bē Hap-mô͘-lī-kiat siⁿ saⁿ ê kiáⁿ: I-si-hô, A-pí-í-siā, kap Má-la.

¹⁹ Sī-bí-tāi ū sì ê kiáⁿ: A-hiān, Sī-kiàm, Lī-khek-hi, kap A-nî-an.

Í-hoat-liân ê Hō͘-tāi

²⁰ Í-hoat-liân ê hō͘-tāi: Su-thê-la siⁿ Pa-lia̍t, Pa-lia̍t siⁿ Tha-hap, Tha-hap siⁿ Í-la-tāi, Í-la-tāi siⁿ Tha-hap;

²¹ Tha-hap siⁿ Sat-poa̍t, Sat-poa̍t siⁿ Su-thê-la. Í-hoat-liân koh siⁿ Í-siā-ní kap Í-lia̍t; chit nn̄g ê lâng lo̍h-khì beh chhiúⁿ Ka-te̍k-lâng ê cheng-siⁿ, sòa hō͘ hit só͘-chāi ê Ka-te̍k-lâng thâi-sí.

²² In lāu-pē Í-hoat-liân ūi-tio̍h in ai-siong chin chōe ji̍t, i ê hiaⁿ-tī lóng lâi an-ùi i.

²³ Í-hoat-liân kap i ê bó͘ tâng-pâng, i ê bó͘ chiū hoâi-īn siⁿ-kiáⁿ; Í-hoat-liân kā i hō-miâ Pí-lī-a, in-ūi i ê ka-têng tú-tio̍h chai-lān.

²⁴ I ê cha-bó͘-kiáⁿ Sià-i-la khí-chō Téng Pek Hô-lûn, Ē Pek Hô-lûn, kap O͘-siān Sià-i-la saⁿ ê siâⁿ,

²⁵ Í-hoat-liân koh siⁿ Lī-hoat, Lī-hoat siⁿ Lī-sek, Lī-sek siⁿ Tha-la, Tha-la siⁿ Tha-hán,

²⁶ Tha-hán siⁿ La-tān, La-tān siⁿ A-bí-hut, A-bí-hut siⁿ Í-lī-sa-má,

²⁷ Í-lī-sa-má siⁿ Lūn, Lūn siⁿ Iok-su-a.

²⁸ Í-hoat-liân-lâng ê só͘-iú-tōe kap khiā-khí ê tōe-khu sī Pek-te̍k-lī kap hù-kūn ê chng-siā, tang-pêng kàu Ná-lân, sai-pêng kàu Ki-sek kap hù-kūn ê chng-siā, koh ū Sī-kiàm kap hù-kūn ê chng-siā, Ai-ngá kap hù-kūn ê chng-siā.

²⁹ Koh ū óa-kūn Má-ná-se-lâng pian-kài ê Pek Siān kap hù-kūn ê chng-siā, Tha-la̍p kap hù-kūn ê chng-siā, Bí-kiat-to kap hù-kūn ê chng-siā, To-ní kap hù-kūn ê chng-siā. Ngá-kok ê kiáⁿ Iok-sek ê hō͘-tāi khiā-khí tī í-siōng chiah-ê tōe-khu.

A-siat ê Hō͘-tāi

³⁰ A-siat ū sì ê kiáⁿ: Im-ná, E̍k-si-óa, E̍k-si-úi, kap Pí-lī-a, koh ū chi̍t ê cha-bó͘-kiáⁿ Se-la.

³¹ Pí-lī-a ū nn̄g ê kiáⁿ: Hi-pek kap Má-kiat; Má-kiat sī Pí-sat-ui-siâⁿ ê khai-thok-chiá.

³² Hi-pek ū saⁿ ê kiáⁿ: Ngá-hut-le̍k, Sok-be̍k, Hô-thán, kap cha-bó͘-kiáⁿ Su-ngá.

³³ Ngá-hut-le̍k ū saⁿ ê kiáⁿ: Pa-sat, Pin-hap, kap A-si-hoat.

³⁴ Sok-be̍k ū sì ê kiáⁿ: A-hi, Lô-ka, Iâ-hō͘-pa, kap A-lân.

³⁵ Sok-be̍k ê hiaⁿ-tī Hô-thán ū sì ê kiáⁿ: Só-hoat, Im-ná, Sī-lī-su, kap A-boat.

³⁶ Só-hoat ê kiáⁿ sī Su-a, Hap-nî-hut, Su-a-le̍k, Pí-lī, Im-la,

³⁷ Pí-sek, Hô-tek, San-má, Si-sa, Ek-lân, kap Pí-la.

³⁸ Ek-thiap ê kiáⁿ sī Iâ-hu-nî, Pí-su-pa, kap A-la.

³⁹ O͘-la ê kiáⁿ sī A-la, Hàn-nî-gia̍p, kap Lī-siá.

⁴⁰ Chiah-ê sī A-siat ê hō͘-tāi, lóng sī cho̍k-tiúⁿ, sī siū soán ê kiông-béng ióng-sū, mā-sī kia̍t-chhut ê siú-léng. Teng-lio̍k tī ka-phó͘, ōe-tàng kau-chiàn ê lâng lóng-chóng ū nn̄g-bān la̍k-chheng.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan