Bìoball air-loidhne

歷代志上卷 20 - 現代台語譯本羅馬字版

Tāi-pi̍t Kong-chhú La-pa-siâⁿ
( 2 Sat 12.26-31 )

¹ Keh-nî chhun-thiⁿ, lia̍t-ông chhut-chiàn ê sî, Iok-ap chhōa kun-peng kong-kek húi-hoāi A-bûn-lâng ê tōe, ûi-kong La-pa-siâⁿ; Tāi-pi̍t lâu tī Iâ-lō͘-sat-léng. Iok-ap kong-chiàm La-pa, kā siâⁿ thiat-tóe phò-hoāi.

² Tāi-pi̍t the̍h-tio̍h Bí-le̍k-kong thâu-khak téng ê ông-koan, sī ēng tāi-iok saⁿ-cha̍p-gō͘ kong-kun ê kim chō--ê, koh ū siuⁿ pó-chio̍h. Lâng chiong chit-téng ông-koan tì tī Tāi-pi̍t ê thâu-khak. Tāi-pi̍t tùi siâⁿ-lāi chhú chin chōe châi-bu̍t,

³ koh kā siâⁿ-lāi ê jîn-bîn lia̍h--chhut-lâi, hō͘ in ēng kù-á, thih-pê-á, kap pó͘-thâu chòe khó͘-kang; Tāi-pi̍t lóng ēng chit-khoán hong-hoat tùi-thāi A-bûn hiah-ê siâⁿ ê lâng. Āu-lâi, Tāi-pi̍t kap só͘-ū ê kun-peng tò-khì Iâ-lō͘-sat-léng.

Kong-táⁿ Hui-lī-sū-lâng
( 2 Sat 21.15-22 )

⁴ Āu-lâi, Í-sek-lia̍t-lâng tī Ki-sek kap Hui-lī-sū-lâng kau-chiàn. Hō͘-sa-lâng Se-pí-kai thâi-sí chi̍t ê tōa-hàn-cho̍k ê hō͘-tāi, i ê miâ kiò-chòe Sè-phài; Hui-lī-sū-lâng chiū khut-ho̍k.

⁵ In koh kap Hui-lī-sū-lâng kau-chiàn, hit-sî Gâi-ní ê kiáⁿ I-le̍k-hap-lân thâi-sí Ka-te̍k-lâng Ko-lī-a ê hiaⁿ-tī La-hap-bí; chit-ê lâng ê chhiuⁿ-pìⁿ chhin-chhiūⁿ chit-pò͘-ki ê chhia-sim hiah chho͘.

⁶ In koh tī Ka-te̍k kau-chiàn. Tī hia ū chi̍t ê tōa-hàn-lâng, chhiú kap kha lóng ū la̍k ki chńg-thâu-á, kiōng jī-cha̍p-sì ki, i mā-sī tōa-hàn-cho̍k ê hō͘-tāi.

⁷ Chit-ê lâng tùi Í-sek-lia̍t ê kun-tūi chhiàng-siaⁿ ê sî, Tāi-pi̍t ê hiaⁿ-ko Sī-bí-a ê kiáⁿ Iok-ná-tan kā i thâi-sí.

⁸ Chiah-ê lâng lóng sī Ka-te̍k tōa-hàn-cho̍k ê hō͘-tāi; lóng hō͘ Tāi-pi̍t kap i ê kun-peng thâi-sí.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan