Bìoball air-loidhne

« Roimhe

Air adhart »

歷代志上卷 2 - 現代台語譯本羅馬字版

Iû-tāi ê Hō͘-tāi
( Chhòng 38.1-30 )

¹ Í-sek-lia̍t ê kiáⁿ ū Lū-piān, Se-biān, Lī-bī, Iû-tāi, Í-sat-ka, Se-pò͘-lûn,

² Tān, Iok-sek, Piān-ngá-bín, Ná-hut-tha-lī, Ka-tek, A-siat.

³ Iû-tāi ê kiáⁿ ū Ní, Gô-lâm, Sī-la; chit saⁿ ê sī Ka-lâm ê lú-chú Pa-su-a siⁿ--ê. Iû-tāi ê tōa-kiáⁿ Ní chòe Siōng Chú khòaⁿ-chòe pháiⁿ ê sū, Siōng Chú chiū hō͘ i sí.

⁴ Iû-tāi ê sin-pū Tha-má kā i siⁿ Hoat-le̍k-su kap Siā-la. Chit gō͘ ê sī Iû-tāi ê kiáⁿ.

⁵ Hoat-le̍k-su ê kiáⁿ ū Hi-su-lûn kap Hap-bō͘-le̍k.

⁶ Siā-la ū gō͘ ê kiáⁿ, Sim-lī, Í-thàm, Hi-bān, Kah-kok, kap Tāi-la.

⁷ Ka-bí ê kiáⁿ A-kan the̍h eng-kai tio̍h húi-bia̍t ê chiàn-lī-phín, liân-lūi Í-sek-lia̍t-lâng.

⁸ Í-thàm ê kiáⁿ sī A-sat-lī-ngá.

Tāi-pi̍t ê Ka-phó͘

⁹ Hi-su-lûn só͘ siⁿ ê kiáⁿ ū Iâ-la-bia̍t, Lân, kap Ka-le̍k.

¹⁰ Lân siⁿ A-bí-ná-ta̍t; A-bí-ná-ta̍t siⁿ Ná-sūn, Ná-sūn chòe Iû-tāi-lâng ê léng-siù.

¹¹ Ná-sūn siⁿ Sat-bûn, Sat-bûn siⁿ Pho-a-su,

¹² Pho-a-su siⁿ Gô-pī-tek; Gô-pī-tek siⁿ Iâ-se;

¹³ Iâ-se siⁿ tōa-kiáⁿ Í-lī-ap, tē-jī kiáⁿ A-pí-ná-ta̍t, tē-saⁿ kiáⁿ Sī-bí-a,

¹⁴ tē-sì kiáⁿ Ná-thán-gia̍p, tē-gō͘ kiáⁿ La-tāi,

¹⁵ tē-la̍k kiáⁿ O-sián, tē-chhit kiáⁿ Tāi-pi̍t.

¹⁶ In ê chí-bē sī Sé-lō͘-ngá kap Ài-pí-kai. Sé-lō͘-ngá ū saⁿ ê kiáⁿ, A-pí-su, Iok-ap, kap A-sat-hek.

¹⁷ Ài-pí-kai siⁿ A-má-sat; A-má-sat ê lāu-pē sī Í-si̍t-má-lī-lâng Ek-thiap.

Hi-su-lûn ê Hō͘-tāi

¹⁸ Hi-su-lûn ê kiáⁿ Ka-le̍k chhōa A-so͘-pa, mā kiò-chòe Iâ-lio̍k ê lú-chú chòe bó͘, siⁿ Iâ-siat, Sok-pā, Ap-tun.

¹⁹ A-so͘-pa sí liáu-āu, Ka-le̍k koh chhōa Í-hoat-tha, siⁿ Hō͘-ní.

²⁰ Hō͘-ní siⁿ O͘-lī, O͘-lī siⁿ Pí-sat-lia̍t.

²¹ Āu-lâi, Hi-su-lûn la̍k-cha̍p hè chhōa Ki-lia̍t ê khai-thok-chiá Má-kiat ê cha-bó͘-kiáⁿ chòe bó͘, siⁿ Se-kat,

²² Se-kat siⁿ Gâi-ní. Gâi-ní tī Ki-lia̍t-tōe ū jī-cha̍p-saⁿ ê siâⁿ.

²³ Āu-lâi, Ki-su̍t kap A-lân cheng-ho̍k Hap-o-te̍k Gâi-ní, í-ki̍p Ki-la̍p kap hù-kūn ê chng-siā, lóng-chóng la̍k-cha̍p ê siâⁿ. Chiah-ê chū-bîn lóng sī Ki-lia̍t ê khai-thok-chiá Má-kiat ê hō͘-tāi.

²⁴ Hi-su-lûn tī Ka-le̍k Í-hoat-tha sí liáu-āu, i ê bó͘ A-pí-ngá kā i siⁿ A-si-hō͘, chiū-sī Thê-ko-a-siâⁿ ê khai-thok-chiá.

Iâ-la-bia̍t ê Hō͘-tāi

²⁵ Hi-su-lûn ê tōa-kiáⁿ Iâ-la-bia̍t siⁿ tōa-kiáⁿ Lân, koh siⁿ Pò͘-ná, O-liân, O-sián, A-hi-ngá.

²⁶ Iâ-la-bia̍t koh chhōa A-tha-la chòe bó͘, siⁿ O-lâm.

²⁷ Iâ-la-bia̍t ê tōa-kiáⁿ Lân ê kiáⁿ ū Má-su, Ngá-bín, kap Í-kiat.

²⁸ O-lâm ê kiáⁿ ū Sa-mái kap Ngá-tāi; Sa-mái ê kiáⁿ ū Ná-tap kap A-pí-su̍t.

²⁹ A-pí-su̍t chhōa A-pí-hâi chòe bó͘, siⁿ A-pān kap Mô͘-lī.

³⁰ Ná-tap ê kiáⁿ ū Se-lia̍t kap A-piàn; Se-lia̍t bô kiáⁿ chiū sí.

³¹ A-piàn ê kiáⁿ sī Í-sī, Í-sī ê kiáⁿ sī Sī-san, Sī-san ê kiáⁿ sī A-lâi.

³² Sa-mái ê sió-tī Ngá-tāi ê kiáⁿ ū Ek-thiap kap Iok-ná-tan; Ek-thiap bô kiáⁿ chiū sí.

³³ Iok-ná-tan ê kiáⁿ ū Pí-le̍k kap Sat-sat. Chiah-ê lóng sī Iâ-la-bia̍t ê hō͘-tāi.

³⁴ Sī-san bô hāu-siⁿ, chí-ū cha-bó͘-kiáⁿ. Sī-san ū chi̍t ê po̍k-jîn, kiò-chòe Iâ-hap, sī Ai-ki̍p-lâng.

³⁵ Sī-san chiong i ê cha-bó͘-kiáⁿ hō͘ po̍k-jîn Iâ-hap chòe bó͘; in siⁿ chi̍t ê kiáⁿ kiò-chòe A-thài.

³⁶ A-thài siⁿ Ná-tan, Ná-tan siⁿ Sat-poa̍t,

³⁷ Sat-poa̍t siⁿ Í-hut-la, Í-hut-la siⁿ Gô-pī-tek,

³⁸ Gô-pī-tek siⁿ Iâ-hō͘, Iâ-hō͘ siⁿ A-sat-lī-ngá,

³⁹ A-sat-lī-ngá siⁿ Hi-lī-su, Hi-lī-su siⁿ Í-lī-a-sat,

⁴⁰ Í-lī-a-sat siⁿ Se-su-mái, Se-su-mái siⁿ Sa-liông,

⁴¹ Sa-liông siⁿ Iâ-ka-bí-ngá, Iâ-ka-bí-ngá siⁿ Í-lī-sa-má.

Ka-le̍k ê Hō͘-tāi

⁴² Iâ-la-bia̍t ê sió-tī Ka-le̍k ê tōa-kiáⁿ kiò-chòe Bí-sa, Bí-sa siⁿ Se-hut; Se-hut siⁿ Má-lī-sa, Má-lī-sa siⁿ Hi-pek-lûn.

⁴³ Hi-pek-lûn ê kiáⁿ ū Khó-la, Tha-phó͘-a, Lī-kim, kap Sī-má.

⁴⁴ Sī-má sī La-hâm ê lāu-pē, Iok-kan ê a-kong. Lī-kim siⁿ Sa-mái,

⁴⁵ Sa-mái siⁿ Má-hûn; Má-hûn sī Pek Siok ê lāu-pē.

⁴⁶ Ka-le̍k ê sòe-î Í-hoat siⁿ Hap-lân, Mô͘-sat, Ka-siā; Hap-lân siⁿ Ka-siā.

⁴⁷ Ngá-tāi ê kiáⁿ ū Lī-kiān, Iok-thán, Ki-san, Pí-le̍k, Í-hoat, kap Sa-a-hut.

⁴⁸ Ka-le̍k lēng-gōa chi̍t ê sòe-î Má-ka siⁿ Sī-pia̍t, Te̍k-hap-ná.

⁴⁹ Má-ka koh siⁿ Sa-a-hut kap Sī-hoat; Sa-a-hut sī Be̍k-má-ná-siâⁿ ê khai-thok-chiá, Sī-hoat sī Boat-pí-ná-siâⁿ kap Ki-pí-a-siâⁿ ê khai-thok-chiá; Ka-le̍k ê cha-bó͘-kiáⁿ kiò-chòe Ap-sat.

^50-51 Ē-bīn chiah-ê mā-sī Ka-le̍k ê hō͘-tāi: Hō͘-ní ê kiáⁿ ū Sok-pa, Sat-má, Hap-le̍k; Sok-pa khai-thok Ki-lia̍t Iâ-lîm-siâⁿ, Sat-má khai-thok Pek-lī-hêng-siâⁿ, Hap-le̍k khai-thok Pek Ka-tek-siâⁿ.

⁵² Ki-lia̍t Iâ-lîm-siâⁿ ê khai-thok-chiá Sok-pa siⁿ Hap-lô-í; Hap-lô-í chiū-sī Bí-ló͘-hap tōe-khu chi̍t-pòaⁿ chū-bîn ê chó͘-sian,

⁵³ mā-sī tòa tī Ki-lia̍t Iâ-lîm hiah-ê chong-cho̍k — Í-thiap-lâng, Pò͘-te̍k-lâng, Su-má-lâng, Bi̍t-lâi-lâng ê chó͘-sian; Só-la-lâng kap Í-si̍t-tô-lâng sī chiah-ê chong-cho̍k ê hō͘-tāi.

⁵⁴ Pek-lī-hêng-siâⁿ ê khai-thok-chiá Sat-má sī Nî-tô-hoat-lâng kap A-tha-lio̍k Pek Iok-ap-lâng ê chó͘-sian, mā-sī tī Má-ná-hap ê Só-lī-cho̍k ê chó͘-sian.

⁵⁵ Te̍k-la-lâng, Sī-bí-ap-lâng, So͘-kah-lâng sī chhau-siá bûn-kiāⁿ ê lâng ê chong-cho̍k; in tòa tī Ngá-pí-su-siâⁿ. In lóng sī Ki-nî-lâng, sī Lī-kah-cho̍k ê chó͘-sian Hap-boa̍t ê hō͘-tāi.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan