Bìoball air-loidhne

提摩太後書 3 - 現代台語譯本羅馬字版

Sè-kài ê Boa̍t-kî

¹ Tio̍h chai, sè-kài ê boa̍t-kî kàu ê sî ōe ū chióng-chióng ê khó͘-lān.

² Hit-sî, lâng ōe chū-su, tham-châi, khoa-kháu, kiau-ngō͘, húi-pòng, ngó͘-ge̍k pē-bú, bông-un-pōe-gī, bô sèng-kiat,

³ bô chhin-chêng, chân-jím, tiòng-siong, hêng-ge̍k, hiong-pō, oàn-hūn hó,

⁴ kan-kúi, lām-sám chòe, chū-ko chū-tāi, ài hióng-lo̍k iâⁿ-kè thiàⁿ Siōng-tè,

⁵ ū kèng-khiân ê gōa-māu khiok bô kèng-khiân ê si̍t-chit. Lí tio̍h siám-pī chit-khoán lâng.

⁶ In tiong-kan ū lâng chhim-ji̍p lâng ê chhù, khòng-chè ì-chì po̍k-jio̍k ê hū-lú. Chiah-ê hū-lú siū chōe-ok ap-chè, hō͘ ta̍k-khoán ê chêng-io̍k chi-phòe;

⁷ in put-sî to teh o̍h, khiok bô hoat-tō͘ bêng-pe̍k chin-lí.

⁸ Chhin-chhiūⁿ chá-chêng Ngá-nî kap Iông-pò͘-lûi hoán-tùi Mô͘-se, hiān-chāi chiah-ê lâng mā án-ni hoán-tùi chin-lí, tì-kàu sim-chì pāi-hoāi, sìn-gióng bô sûn-chin.

⁹ M̄-kú chiah-ê lâng, chhin-chhiūⁿ hit nn̄g ê lâng, bōe ū sím-mi̍h éng-hióng, in-ūi in ê gû-gōng ōe tī chèng-lâng ê bīn-chêng po̍k-lō͘.

Chòe-āu ê Chí-sī

¹⁰ Lí ū o̍h góa só͘ kà-sī--ê, góa ê choh-lâng, seng-oa̍h ê bo̍k-phiau, sìn-sim, khoan-iông, thiàⁿ-sim, kian-jím,

¹¹ í-ki̍p só͘ siū ê pek-hāi kap khó͘-lān, chiah-ê lí lóng chai, chiū-sī góa tī An-thê-o, Í-ko-liām, Lō͘-su-tek só͘ tú--tio̍h ê pek-hāi, góa án-chóaⁿ teh jím-siū; m̄-kú Chú ū kiù góa thoat-lī chiah-ê.

¹² Só͘-ū ài-beh kap Ki-tok Iâ-so͘ kiat-liân kè kèng-khiân seng-oa̍h ê lâng, it-tēng ōe tú-tio̍h pek-hāi.

¹³ Put-kò pháiⁿ-lâng kap khi-phiàn-lâng--ê ōe ná lâi ná pháiⁿ, in kā lâng phiàn, ka-kī mā hō͘ lâng phiàn.

¹⁴ Chóng-sī lí tio̍h chhî-siú só͘ ha̍k-si̍p só͘ chhim-sìn ê tō-lí, in-ūi lí chai chiah-ê sī tùi sím-mi̍h-lâng ha̍k-si̍p--ê.

¹⁵ Lí mā chai lí tùi sòe-hàn chiū bêng-pe̍k Sèng-keng, chit-ê Sèng-keng ōe-tàng hō͘ lí ū tì-hūi thang thong-kè sìn Ki-tok Iâ-so͘ tit-tio̍h chín-kiù.

¹⁶ Choân-pō͘ Sèng-keng sī Siōng-tè ê Sîn kám-tōng siá--ê, tùi kàu-tō, tùi tok-chek, tùi kiù-chèng, tùi hùn-liān lâng kiâⁿ chiàⁿ-lō͘, lóng ū lī-ek,

¹⁷ hō͘ ho̍k-sāi Siōng-tè ê lâng chong-pī hó-sè, thang chòe ta̍k-hāng hó-sū.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan