Bìoball air-loidhne

提摩太前書 2 - 現代台語譯本羅馬字版

Kàu-hōe ê Lé-pài

^1-2 Só͘-í, tē-it, góa khoàn-bián lí tio̍h ūi-tio̍h só͘-ū ê lâng, kun-ông, kap lóng-chóng ê koaⁿ-oân khún-kiû, kî-tó, tāi-tó, kám-un, hō͘ lán thang kè pêng-chēng an-jiân ê seng-oa̍h, hoān-sū kèng-khiân, toan-chèng.

³ Án-ni chòe sī eng-kai, sī lán ê Kiù-chú Siōng-tè hoaⁿ-hí chiap-la̍p--ê.

⁴ I ài chèng-lâng tit-kiù, ta̍t-kàu jīn-bat chin-lí.

⁵ In-ūi Siōng-tè sī chi̍t ūi, Siōng-tè kap lâng tiong-kan ê tiong-kan-jîn mā-sī chi̍t ūi, chiū-sī choh-lâng ê Ki-tok Iâ-so͘.

⁶ I hiàn pún-sin lâi sio̍k-hôe chèng-lâng, chit-hāng sū tī tú-hó ê sî-ki ū tit-tio̍h chèng-si̍t.

⁷ Ūi-tio̍h án-ni, góa siū jīm-bēng chòe thoân-tō-chiá, sù-tô͘, kap Gōa-pang-lâng ê kàu-su, hō͘ in siong-sìn Siōng-tè koh jīn-bat chin-lí. Góa teh kóng--ê sī chin--ê, m̄-sī ké--ê.

⁸ Góa ài ta-po͘-lâng bô siū-khì, bô cheng-lūn, tī ta̍k só͘-chāi gia̍h-khí sèng-kiat ê chhiú kî-tó.

⁹ Góa mā ài hū-jîn-lâng chhēng-chhah toan-chong phok-sò͘ chéng-chôe, m̄-thang ēng kî-hêng-koài-chōng ê thâu-mn̂g-hêng, kim-khì, chu-pó, á-sī chin kùi ê saⁿ chng-thāⁿ ka-kī;

¹⁰ tio̍h ēng hó hêng-ûi chòe chng-thāⁿ, piáu-sī ka-kī sī kèng-ùi Siōng-tè ê hū-jîn-lâng.

¹¹ Hū-jîn-lâng tio̍h tiām-tiām-á o̍h, ēng sūn-chiông ê sim sū-sū sūn-ho̍k.

¹² Góa m̄-chún hū-jîn-lâng kà-sī á-sī koán-hat ta-po͘-lâng; i tio̍h an-chēng.

¹³ In-ūi A-tong tāi-seng siū chō, āu-lâi chiah Hā-oa.

¹⁴ Koh A-tong bô siū iú-he̍k, m̄-kú hū-jîn-lâng siū iú-he̍k hām-lo̍h chōe.

¹⁵ Put-kò hū-jîn-lâng nā an-hūn siú-kí, chhî-siú sìn-gióng, jîn-ài, kap sèng-kiat, chiū ōe in-ūi siⁿ-kiáⁿ tit-tio̍h kiù.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan