Bìoball air-loidhne

提摩太前書 1 - 現代台語譯本羅馬字版

Chhéng-an

¹ Góa sī Pó-lô, chiàu lán ê Kiù-chú Siōng-tè kap chòe lán ǹg-bāng ê Ki-tok Iâ-so͘ ê bēng-lēng, góa choh Ki-tok Iâ-so͘ ê sù-tô͘,

² siá-phoe hō͘ Thê-mô͘-thài, sìn-gióng siōng góa chin ê kiáⁿ. Goān Pē Siōng-tè kap lán ê Chú Ki-tok Iâ-so͘ sù lí un-tián, lîn-bín, kap pêng-an!

Khiàn-chek Chhò-gō͘ ê Kàu-gī

³ Góa beh khì Má-kî-tùn ê sî, ū khǹg lí tio̍h lâu tī Í-hut-só͘, thang bēng-lēng chi̍t-kóa lâng m̄-thang thoân pa̍t-khoán kàu-gī,

⁴ mā m̄-thang lōng-hùi cheng-sîn tī bô-iáⁿ-chiah ê thoân-soat kap lò-lò-tn̂g ê cho̍k-phó͘, in-ūi chiah-ê chí-ū ōe ín-khí piān-lūn, bōe pang-chān lâng ēng sìn liáu-kái Siōng-tè ê kè-ōe.

⁵ Chit-ê bēng-lēng ê bo̍k-te̍k sī beh tit-tio̍h jîn-ài; chit-ê jîn-ài sī tùi chheng-khì ê sim, chheng-pe̍k ê liông-sim, kap sûn-chin ê sìn sán-seng--ê.

⁶ Ū lâng tùi chiah-ê phian-lī, sit-bê tī khang-hu ê tâm-lūn.

⁷ In liân ka-kī só͘ kóng só͘ chú-tiuⁿ--ê to bô lí-kái, koh siūⁿ-beh choh lu̍t-hoat-kàu-su.

⁸ Lán chai, lâng nā chèng-khak sú-iōng Lu̍t-hoat, Lu̍t-hoat sī hó.

⁹ Lán mā chai, Lu̍t-hoat ê chè-tēng m̄-sī ūi-tio̍h chèng-ti̍t ê lâng, sī ūi-tio̍h put-hoat kap bô sūn-ho̍k, bô kèng-khiân kap hoān-chōe, bô sèng-kiat kap tham-loân sè-sio̍k, thâi-sí pē-bú kap thâi-sí lâng,

¹⁰ îm-loān, hò͘ⁿ lâm-sek, koái-iú lâng, kóng pe̍h-chha̍t, choh gūi-chèng, á-sī ûi-hoán kiān-choân ê kàu-gī chit-lūi ê lâng.

¹¹ Chit-ê kiān-choân ê kàu-gī hû-ha̍p eng-kai tit-tio̍h chheng-chàn ê Siōng-tè só͘ kau-thok góa hit-ê êng-kng ê hok-im.

Kám-siā Siōng-tè ê Lîn-bín

¹² Góa kám-siā hō͘ góa khùi-la̍t ê lán ê Chú Ki-tok Iâ-so͘, in-ūi I khòaⁿ góa chòe thang sìn-jīm, chí-phài góa chòe chhe-ēng.

¹³ Sui-jiân í-chêng góa pòng-to̍k, pek-hāi, koh kā I bú-jio̍k, iáu-kú tit-tio̍h lîn-bín, sī in-ūi góa iáu-bē sìn m̄-bat ê sî chiah án-ni chòe.

¹⁴ Lán ê Chú sù góa hong-sēng kàu móa--chhut-lâi ê un-tián, hō͘ góa tit-tio̍h kap Ki-tok Iâ-so͘ kiat-liân chiah ū ê sìn kap thiàⁿ.

¹⁵ “Ki-tok Iâ-so͘ lîm-kàu sè-kan sī beh chín-kiù chōe-jîn” chit-kù ōe thang siong-sìn, ta̍t-tit oân-choân chiap-siū. Chōe-jîn tiong góa sī tē-it pháiⁿ--ê.

¹⁶ M̄-kú góa tit-tio̍h lîn-bín sī in-ūi Iâ-so͘ Ki-tok beh ēng góa chit-ê tē-it pháiⁿ ê lâng lâi hián-bêng I bû-hān ê nāi-sim, thang chòe āu-lâi sìn Iâ-so͘ lâi tit-tio̍h éng-oa̍h ê lâng ê bô͘-iūⁿ.

¹⁷ Goān chun-kùi, êng-kng kui tī bān-sè ê Kun-ông, éng-oán chûn-chāi, khòaⁿ bōe tio̍h, to̍k-it-bû-jī ê Siōng-tè, ti̍t-kàu éng-éng-oán-oán. Amen!

¹⁸ Góa ê kiáⁿ Thê-mô͘-thài ah, chiàu í-chêng koan-hē lí só͘ kóng ê ū-giân, góa chiong chit-ê bēng-lēng kau-thok lí, hō͘ lí thang ēng chiah-ê ū-giân khì cheng-chiàn eng-kai iâⁿ ê chiàn-cheng.

¹⁹ Lí tio̍h chhî-siú sìn-sim kap chheng-pe̍k ê liông-sim. Ū chi̍t-kóa lâng pàng-sak liông-sim, tì-kàu sìn-sim chhin-chhiūⁿ chûn khò-chhián,

²⁰ kî-tiong ū Su-bí-nái kap A-le̍k-san-tāi; góa í-keng chiong in kau hō͘ Sat-tàn, hō͘ in siū kà-sī bô koh pòng-to̍k Siōng-tè.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan