Bìoball air-loidhne

哥林多前書 1 - 現代台語譯本羅馬字版

¹ Góa sī Pó-lô, hōng Siōng-tè ê chí-ì siū tiàu choh Ki-tok Iâ-so͘ ê sù-tô͘. Góa kap lán ê hiaⁿ-tī Só͘-thê-nî

² siá-phoe hō͘ tī Ko-lîm-to Siōng-tè ê kàu-hōe, chiū-sī hiah-ê kap tī ta̍k só͘-chāi ho͘-kiò lán ê Chú Iâ-so͘ Ki-tok ê miâ, kap Ki-tok Iâ-so͘ kiat-liân siū tiàu choh sìn-tô͘ kui-sio̍k Siōng-tè ê lâng; Ki-tok sī in ê Chú, mā-sī lán ê Chú.

³ Goān lán ê Pē Siōng-tè kap Chú Iâ-so͘ Ki-tok sù lín un-tián kap pêng-an!

Thong-kè Ki-tok Tit--tio̍h ê Chiok-hok

⁴ Góa sî-siông ūi-tio̍h lín teh kám-siā góa ê Siōng-tè, in-ūi I thong-kè Ki-tok Iâ-so͘ sù lín un-tián,

⁵ hō͘ lín thong-kè Ki-tok ta̍k-hāng tit-tio̍h hù-chiok, chhiong-móa ta̍k-khoán kháu-châi kap tì-sek.

⁶ Ki-tok ê sìn-sit í-keng tī lín tiong-kan kian-kò͘ kiàn-li̍p,

⁷ hō͘ lín lóng bô khiàm sím-mi̍h un-sù, thèng-hāu lán ê Chú Iâ-so͘ Ki-tok hián-hiān.

⁸ I mā ōe hō͘ lín kian-kò͘ ti̍t-kàu chòe-āu, tī lán ê Chú Iâ-so͘ Ki-tok ê Ji̍t bô thang hiâm.

⁹ Siōng-tè sī sìn-si̍t, I ho͘-tiàu lín, beh hō͘ lín kap I ê Kiáⁿ lán ê Chú Iâ-so͘ Ki-tok kiat-liân.

Kàu-hōe ê Hun-lia̍t

¹⁰ Hiaⁿ-tī chí-bē, góa hōng lán ê Chú Iâ-so͘ Ki-tok ê miâ khǹg lín tāi-ke, kóng-ōe tio̍h it-tì; lín tiong-kan mā m̄-thang hun-lia̍t. Tio̍h thoân-kiat, ū siâng-khoán ê siūⁿ-hoat kap kiōng-tông ê bo̍k-phiau.

¹¹ Góa ê hiaⁿ-tī chí-bē, Kek-lâi in tau ê lâng ū tùi góa kóng-khí lín tiong-kan ū hun-cheng.

¹² Góa án-ni kóng sī in-ūi lín tiong-kan ì-kiàn hun-hun; ū-ê kóng “Góa sio̍k Pó-lô”; ū-ê kóng “Góa sio̍k A-pho-lô”; ū-ê kóng “Góa sio̍k Pí-tek”; mā ū-ê kóng “Góa sio̍k Ki-tok”.

¹³ Ki-tok kèng-jiân hō͘ lâng hun-koah lah! Pó-lô kiám ū thòe lín tèng-sí tī si̍p-jī-kè? Lín kiám ū hōng Pó-lô ê miâ niá-siū sóe-lé?

¹⁴ Kám-siā Siōng-tè, Ki-lī-sū-pò͘ kap Kai-iû í-gōa, góa bô kā lín tiong-kan sím-mi̍h-lâng sóe-lé.

¹⁵ Án-ni bô lâng ōe-tàng kóng, lín ū hōng góa ê miâ niá-siū sóe-lé.

¹⁶ Ū lah, góa mā ū kā Sū-thê-hoat-ná chi̍t ke ê lâng sóe-lé, kî-tha ū kā pa̍t-lâng sóe-lé á bô, góa bōe-kì--tit.

¹⁷ Ki-tok bô chhe góa kā lâng sóe-lé, sī beh thoân hok-im, m̄-sī ēng tì-hūi ê giân-sû thoân, chiah bián hō͘ Ki-tok ê si̍p-jī-kè sit-khì hāu-le̍k.

Ki-tok Sī Siōng-tè ê Tōa Lêng-le̍k kap Tì-hūi

¹⁸ Si̍p-jī-kè ê sìn-sit, tùi hiah-ê ǹg bia̍t-bông teh kiâⁿ ê lâng sī gû-gōng, put-kò tùi lán chiah-ê ǹg tit-kiù teh kiâⁿ ê lâng sī Siōng-tè ê tōa lêng-le̍k.

¹⁹ In-ūi Sèng-keng ū kì-chài: Góa beh siau-bia̍t tì-hūi ê lâng ê tì-hūi; góa beh khì-sak chhong-bêng ê lâng ê chhong-bêng.

²⁰ Án-ni tì-hūi ê lâng tī tó-ūi? Keng-ha̍k-kàu-su tī tó-ūi? Chit sè-tāi ê hiông-piān-ka tī tó-ūi? Siōng-tè í-keng hō͘ chit sè-kan ê tì-hūi pìⁿ-chòe gû-gōng lah!

²¹ Kì-jiân sè-kan-lâng bōe-tàng khò ka-kī ê tì-hūi jīn-bat Siōng-tè, Siōng-tè chiū tùi I ê tì-hūi hoaⁿ-hí ēng goán só͘ thoân gû-gōng ê sìn-sit lâi chín-kiù sìn I ê lâng.

²² Iû-thài-lâng kiû sîn-jiah, Hi-la̍h-lâng chhē tì-hūi,

²³ put-kò goán soan-iông tèng si̍p-jī-kè ê Ki-tok. Chit-ê sìn-sit tùi Iû-thài-lâng sī chó͘-gāi, tùi Gōa-pang-lâng sī gû-gōng,

²⁴ m̄-kú tùi Siōng-tè só͘ kéng-tiàu ê lâng, bô-lūn sī Iû-thài-lâng á-sī Hi-la̍h-lâng, chit-ê sìn-sit sī Ki-tok; I sī Siōng-tè ê tōa lêng-le̍k, sī Siōng-tè ê tì-hūi.

²⁵ In-ūi Siōng-tè ê gû-gōng iâⁿ-kè lâng ê tì-hūi, Siōng-tè ê loán-jio̍k pí lâng khah ióng-chòng.

²⁶ Hiaⁿ-tī chí-bē, tio̍h ōe-kì-tit Siōng-tè ho͘-tiàu lín ê sî, chiàu lâng ê phiau-chún, lín tiong-kan bô jōa-chōe lâng ū tì-hūi, bô jōa-chōe lâng ū lêng-le̍k, bô jōa-chōe lâng sio̍k siōng-liû kai-kip.

²⁷ Siōng-tè kò͘-ì ēng sè-kan-lâng khòaⁿ-chòe gōng ê tāi-chì lâi hō͘ khiáu ê lâng kiàn-siàu; Siōng-tè ēng sè-kan-lâng khòaⁿ-chòe jio̍k ê tāi-chì lâi hō͘ kiông ê lâng kiàn-siàu.

²⁸ Siōng-tè ēng pi-chiān--ê, sè-kan-lâng só͘ biáu-sī--ê, khòaⁿ m̄ chiūⁿ-ba̍k ê tāi-chì lâi phò-hoāi lâng só͘ khòaⁿ-tāng--ê;

²⁹ tùi án-ni, sè-kan chiū bô lâng ōe-tàng tī Siōng-tè ê bīn-chêng khoa-kháu.

³⁰ M̄-kú Siōng-tè hō͘ lín kap Ki-tok Iâ-so͘ kiat-liân, hō͘ Ki-tok chiâⁿ-chòe lán tùi Siōng-tè lâi ê tì-hūi, chiū-sī hō͘ lán kap Siōng-tè ū ha̍p-gî ê koan-hē, siâng-sî chiâⁿ-chòe Siōng-tè sèng-kiat ê chú-bîn, koh tit-tio̍h chū-iû.

³¹ Chiàu Sèng-keng só͘ kì-chài, “Beh khoa-kháu ê lâng tio̍h khoa-kháu Chú!”

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan