Bìoball air-loidhne

出埃及記 37 - 現代台語譯本羅馬字版

Chō Iok-kūi
( Chhut 25.10-22 )

¹ Pí-sat-lia̍t ēng kim-ha̍p-hoan-bo̍k chòe chi̍t ê iok-kūi, tn̂g chi̍t-pah cha̍p kong-hun, khoah la̍k-cha̍p-la̍k kong-hun, koân la̍k-cha̍p-la̍k kong-hun;

² ēng sûn-kim pau chit-ê kūi, lāi-gōa lóng pau--teh; sì-piⁿ siuⁿ kim-sòaⁿ;

³ koh kā i chù sì ê kim-khoân, an tī i ê sì ki kha; chit-pêng nn̄g ê, hit-pêng nn̄g ê.

⁴ I ēng kim-ha̍p-hoan-bo̍k chòe nn̄g ki kǹg, ēng kim pau--teh,

⁵ chiong kǹg chhng tī iok-kūi piⁿ ê khoân--ni̍h, ēng lâi kng kūi.

⁶ I koh ēng sûn-kim chòe iok-kūi ê kòa, tn̂g chi̍t-pah cha̍p kong-hun, khoah la̍k-cha̍p-la̍k kong-hun.

⁷ Koh ēng kim phah nn̄g ê thiⁿ-sài ki-lō͘-pek, an tī kòa ê siang-thâu,

⁸ chi̍t thâu chi̍t ê; siang-thâu ê ki-lō͘-pek kap kòa liân-chòe kui-tè.

⁹ Nn̄g ê ki-lō͘-pek bīn sio-tùi, ǹg iok-kūi ê kòa; si̍t thí koân, jia iok-kūi ê kòa.

Chō Hiàn-chè ê Piáⁿ ê Toh
( Chhut 25.23-30 )

¹⁰ I ēng kim-ha̍p-hoan-bo̍k chòe chi̍t tè toh, tn̂g poeh-cha̍p-poeh kong-hun, khoah sì-cha̍p-sì kong-hun, koân la̍k-cha̍p-la̍k kong-hun;

¹¹ ēng sûn-kim pau--teh, sì-ûi siuⁿ kim-sòaⁿ.

¹² Toh-bīn sì ê piⁿ kok chòe chhit tiám gō͘ kong-hun khoah ê kîⁿ, kîⁿ ê chiu-ûi siuⁿ kim-sòaⁿ.

¹³ I chòe sì ê kim-khoân, an tī toh-á sì ki kha ê kak-thâu téng-bīn.

¹⁴ An khoân ê só͘-chāi óa-kūn hoâiⁿ-koaiⁿ, thang chhng kǹg lâi kng toh.

¹⁵ Ēng kim-ha̍p-hoan-bo̍k chòe nn̄g ki kǹg, ēng kim pau--teh, thang ēng lâi kng toh.

¹⁶ Koh ēng sûn-kim chòe toh-téng ê khì-khū, chiū-sī pôaⁿ kap phiat-á, í-ki̍p hiàn tiān-chiú-chè beh ēng ê ô͘ kap poe.

Chō Teng-tâi
( Chhut 25.31-40 )

¹⁷ I ēng sûn-kim phah chi̍t ê teng-tâi; teng-tâi ê chō, tiong-thiāu, poe, go̍k, hoe, lóng liân-chòe kui-chō.

¹⁸ Teng-tâi ê siang-pêng chhun-chhut la̍k ki ki, chi̍t pêng saⁿ ki;

¹⁹ múi chi̍t ki ū saⁿ ê poe, hêng-chōng chhin-chhiūⁿ hēng-hoe, ū go̍k ū hoe; teng-tâi ê la̍k ki ki lóng sī án-ni.

²⁰ Teng-tâi-thiāu ū sì ê poe, hêng-chōng chhin-chhiūⁿ hēng-hoe, ū go̍k kap hoe.

²¹ I tī saⁿ tùi saⁿ-liân ê ki ē-bīn kap thiāu sio-chiap ê só͘-chāi chòe go̍k; teng-tâi ê la̍k ki ki lóng sī án-ni.

²² Hiah-ê go̍k kap ki lóng kap thiāu liân-chòe chi̍t ê, lóng sī ēng sûn-kim phah--ê.

²³ I ēng sûn-kim chòe chhit ê teng-chóaⁿ, teng-chián, kap teng-pôaⁿ.

²⁴ I ēng saⁿ-cha̍p-gō͘ kong-kun ê sûn-kim chō teng-tâi kap chiah-ê só͘-ū ê khì-khū.

Chō Sio-hiuⁿ ê Tôaⁿ
( Chhut 30.1-5 )

²⁵ I ēng kim-ha̍p-hoan-bo̍k chòe chi̍t chō sio-hiuⁿ ê tôaⁿ, sī sù-hong--ê, tn̂g kap khoah lóng sì-cha̍p-gō͘ kong-hun, koân káu-cha̍p kong-hun. Tôaⁿ hit sì ki khiàu--khí-lâi ê kak kap tôaⁿ liân-chiap chòe chi̍t tè.

²⁶ Tôaⁿ ê téng-bīn, sì-ûi, í-ki̍p hiah-ê kak lóng ēng sûn-kim pau--teh; koh tī tôaⁿ ê sì-ûi siuⁿ kim-sòaⁿ.

²⁷ I tī kim-sòaⁿ ê ē-bīn, tôaⁿ ê siang-pêng, nn̄g ki hoâiⁿ-koaiⁿ ê téng-bīn, chòe nn̄g ê kim-khoân, thang chhng kǹg lâi kng tôaⁿ.

²⁸ I ēng kim-ha̍p-hoan-bo̍k chòe kǹg, ēng kim pau--teh.

Chòe Thang Boah ê Sèng-iû kap Hiuⁿ
( Chhut 30.22-38 )

²⁹ I koh chiàu chòe hiuⁿ-liāu ê hong-hoat chòe thang boah ê sèng-iû kap sûn ê phang-hiuⁿ.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan