Bìoball air-loidhne

Si-phian 99 - 現代台語譯本羅馬字版

Chun-chông Chì-sèng ê Siōng-tè

¹ Siōng Chú choh-ông, bān-bîn ngia̍uh-ngia̍uh-chhoah; I chē tī thiⁿ-sài ki-lō͘-pek pó-chō téng, tāi-tōe iô-tāng.

² Siōng Chú tī Sek-an choh-tōa; I siū bān-bîn chun-chông.

³ Goān in chheng-chàn I úi-tāi thang kiaⁿ-ùi ê miâ. I sī chì-sèng!

⁴ Ū tōa koân-le̍k ê Ông ah, lí ì-ài chèng-ti̍t; lí kiàn-li̍p kong-pêng, tī Í-sek-lia̍t si-hêng chèng-ti̍t kong-gī.

⁵ Tio̍h chun-chông Siōng Chú — lán ê Siōng-tè, tī I kha-tiam ê thâu-chêng kūi-pài; I sī chì-sèng!

⁶ Tī I ê chè-si tiong ū Mô͘-se kap A-lûn; tī kiû-kiò I ê miâ ê lâng tiong-kan ū Sat-bó-ní; in kiû-kiò Siōng Chú, I ū ìn-tap.

⁷ I tī hûn-thiāu tiong tùi in kóng-ōe; in chun-siú I pan-pò͘ ê kài-bēng kap kui-lē.

⁸ Siōng Chú — goán ê Siōng-tè ah, lí ū ìn-tap in; sui-jiân lí ū chiàu in ê só͘-chòe kā in pò-èng, iáu-kú lí sī sià-bián in ê Siōng-tè.

⁹ Tio̍h chun-chông Siōng Chú — lán ê Siōng-tè, tī I ê sèng-soaⁿ kūi-pài. Siōng Chú — lán ê Siōng-tè chì-sèng!

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan