Bìoball air-loidhne

Si-phian 98 - 現代台語譯本羅馬字版

Siōng-chàn Chiáng-koán Sè-kài ê Siōng-tè
Chi̍t phiⁿ si.

¹ Lín tio̍h ǹg Siōng Chú chhiùⁿ sin ê koa, in-ūi I ū chòe kî-biāu ê sū; I ê chiàⁿ-chhiú, sèng ê chhiú-kut si-hêng chín-kiù.

² Siōng Chú í-keng soan-pò͘ I ê kiù-un, tùi lia̍t-pang hián-bêng I ê kong-gī.

³ I ōe-kì-tit I tùi Í-sek-lia̍t-ke èng-ún ê chû-ài kap sìn-si̍t; thiⁿ-piⁿ-hái-kak lóng ū khòaⁿ-kìⁿ lán ê Siōng-tè ê chín-kiù.

⁴ Choân-tōe lóng tio̍h ǹg Siōng Chú chhut hoaⁿ-hí ê siaⁿ; tio̍h chhut tōa-siaⁿ hoaⁿ-hí chhiùⁿ-koa chheng-chàn I.

⁵ Tio̍h tôaⁿ-khîm chheng-chàn Siōng Chú, tôaⁿ-khîm chhiùⁿ hó-thiaⁿ ê si-koa o-ló I.

⁶ Tio̍h ēng lat-pah kap sàu-kak, tī Siōng Chú — lán ê Ông bīn-chêng chhut hoaⁿ-hí ê siaⁿ.

⁷ Goān hái kap hái-tiong ê it-chhè lóng chhut-siaⁿ; sè-kài kap bān-mi̍h mā chhut tōa-siaⁿ.

⁸ Goān kang-hô phah-pho̍k-á hoaⁿ-hí, chèng soaⁿ-niá tī Siōng Chú bīn-chêng chòe-hé khoài-lo̍k chhiùⁿ-koa;

⁹ in-ūi I lâi beh sím-phòaⁿ choân-tōe, I beh chiàu kong-gī sím-phòaⁿ sè-kài, ēng kong-pêng sím-phòaⁿ bān-bîn.

The Bible Society in Taiwan

Lean sinn:

Ceanglaichean taic

Sanasan