Bìoball air-loidhne

Si-phian 88 - 現代台語譯本羅馬字版

Kî-kiû Pang-chān
Khó-la hō͘-tāi ê si-koa, chiū-sī Í-su-la-lâng Hi-bān kà-sī ê si, kau hō͘ sèng-ga̍k-tiúⁿ; tiāu, ēng “Mâ-hap-la Lī-àm-ngô͘”.

¹ Siōng Chú, chín-kiù góa ê Siōng-tè ah, góa mî-ji̍t tī lí ê bīn-chêng kiû-kiò.

² Goān góa ê kî-tó ta̍t-kàu lí bīn-chêng; kiû lí àⁿ hī-khang thiaⁿ góa ê kî-kiû.

³ In-ūi góa keng-le̍k chin chōe hoān-lān; góa ê sìⁿ-miā biān-lîm sí-bông.

⁴ Góa kap beh lo̍h Im-hú ê lâng siâng-khoán, lóng bô khùi-la̍t, bô lâng pang-chān.

⁵ Góa hō͘ lâng tàn tī sí-lâng tiong-kan, chhin-chhiūⁿ siū thâi ê lâng tó tī bōng-lāi, bô koh hō͘ lí kì--teh, bô koh tit-tio̍h lí ê pang-chān.

⁶ Lí kā góa hiat tī Chhim-khiⁿ, tī o͘-àm ê Chhim-ian.

⁷ Lí ê siū-khì tāng-tāng teh góa; lí ēng hái-éng tùi sì-bīn im-ba̍t góa.

⁸ Lí hō͘ góa ê ti-kí lī-khui góa hn̄g-hn̄g, hō͘ in iàm-ò͘ⁿ góa. Góa siū koaiⁿ-kìm, bōe-tit chhut--khì.

⁹ Góa in-ūi iu-siong ba̍k-chiu hoe. Siōng Chú ah, góa ta̍k-ji̍t kiû-kiò lí; góa ǹg lí gia̍h-chhiú kî-tó.

¹⁰ Lí kiám beh kiâⁿ kî-sū hō͘ sí-lâng khòaⁿ? Im-hûn kiám ōe khí-lâi chheng-chàn lí?

¹¹ Lâng kiám ōe tī bōng-lāi kóng-khí lí ê chû-ài? Lâng kiám ōe tī bia̍t-bông ê só͘-chāi kóng-khí lí ê sìn-si̍t?

¹² Tī o͘-àm ê só͘-chāi, lí ê kî-sū kiám ū lâng khòaⁿ ōe tio̍h? Tī bô kì-e̍k ê só͘-chāi, lí ê kong-gī kiám ū lâng ōe chai?

¹³ Siōng Chú ah, góa ū tùi lí kî-kiû; chá-khí-sî góa ê kî-tó ōe thàu kàu lí ê bīn-chêng.

¹⁴ Siōng Chú ah, lí sī-án-chóaⁿ khì-sak góa? Sī-án-chóaⁿ bīn oa̍t-cháu m̄ khòaⁿ góa?

¹⁵ Góa tùi siàu-liân siū-khó͘, hiám-hiám sí; góa siū-tio̍h lí ê chek-hoa̍t tì-kàu sim hun-loān.

¹⁶ Lí ê tōa siū-khì kā góa teh-chhùi; lí ēng kiaⁿ-hiâⁿ kā góa húi-bia̍t.

¹⁷ Chiah-ê tāi-chì chhin-chhiūⁿ tōa-chúi kui-ji̍t ûi góa, tùi sì-bīn ûi-khùn góa.

¹⁸ Lí chiong góa ê chhin-iú keh-khui hn̄g-hn̄g; o͘-àm soah pìⁿ-chòe góa î-it ê tâng-phōaⁿ.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan