Si-phian 87 - 現代台語譯本羅馬字版

Sek-an Sī Hok-khì ê Goân-thâu
Khó-la hō͘-tāi ê si-koa.

¹ Siōng Chú tī sèng-soaⁿ khí-chō ka-kī ê siâⁿ.

² Siōng Chú ì-ài Sek-an ê siâⁿ-mn̂g, iâⁿ-kè Í-sek-lia̍t lóng-chóng khiā-khí ê só͘-chāi.

³ Siōng-tè ê siâⁿ ah, hiah-ê thang khoa-iāu ê sū sī chí lí kóng--ê.

⁴ Góa beh chiong Ai-ki̍p kap Pa-pí-lûn lia̍t-ji̍p bat góa ê bîn-cho̍k lāi-bīn; khòaⁿ ah, Hui-lī-sū, Thài-ní, Kó͘-si̍t, in ta̍k-ê lóng tī chia chhut-sì.

⁵ Koan-hē Sek-an, lâng beh kóng, “Chit-ê, hit-ê, lóng tī chia chhut-sì; Chì-koân-chiá beh chhin-sin hō͘ Sek-an éng-oán kian-kò͘.”

⁶ Siōng Chú tiàu bān-cho̍k lâi teng-kì ê sî, I ōe kì-lio̍k kóng, “Chit-ê lâng chhut-sì tī hia.”

⁷ Chhiùⁿ-koa--ê, thiàu-bú--ê lóng kóng, “Sek-an sī góa hok-khì ê goân-thâu.”

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan