Si-phian 82 - 現代台語譯本羅馬字版

Siōng-tè Sī Chì-koân ê Chú-cháiⁿ
A-sat ê si.

¹ Siōng-tè tī thian-têng chú-chhî tāi-hōe, tī chiòng-sîn ê hōe-tiong teh sím-phòaⁿ.

² “Lín bô chiàu kong-gī sím-phòaⁿ, phian-thán pháiⁿ-lâng beh kàu sím-mi̍h sî?

³ Lín tio̍h ūi sàn-chhiah-lâng kap ko͘-jî sin-oan, ūi khùn-khó͘ khiàm-kheh ê lâng chú-chhî kong-tō.

⁴ Tio̍h kái-kiù sàn-chhiah khiàm-kheh ê lâng, hō͘ in thoat-lī pháiⁿ-lâng ê chhiú.

⁵ “Lín m̄ chai, oân-choân bōe liáu-kái, tī o͘-àm tiong kiâⁿ-lâi-kiâⁿ-khì; kong-gī ê kun-ki lóng iô-choah.

⁶ Góa bat kóng, ‘Lín sī sîn, lóng sī Chì-koân Siōng-tè ê kiáⁿ;

⁷ m̄-kú lín kap sè-kan-lâng siâng-khoán lóng ōe sí, chhin-chhiūⁿ ta̍k-ê léng-siù ōe tó--lo̍h-khì.’”

⁸ Siōng-tè ah, kiû lí khí-lâi sím-phòaⁿ sè-kài, in-ūi bān-kok lóng sī lí ê.

The Bible Society in Taiwan

Lean sinn:

Ceanglaichean taic

Sanasan