Bìoball air-loidhne

Si-phian 8 - 現代台語譯本羅馬字版

Siōng-tè ê Ui-giâm, Lâng ê Chun-kùi
Tāi-pi̍t ê si, kau hō͘ sèng-ga̍k-tiúⁿ; ēng Ka-te̍k ê ga̍k-khì phōaⁿ-chàu.

¹ Siōng Chú — goán ê Chú ah, lí ê ui-giâm phó͘-ki̍p choân-tōe! Chheng-chàn lí ê siaⁿ thàu kàu thiⁿ-téng,

² tùi gín-á kap eⁿ-á ê chhùi chhiùⁿ--chhut-lâi. Lí khí-chō iàu-sài hông-pī te̍k-jîn, beh siau-bia̍t tùi-te̍k, siau-tû oan-siû.

³ Khòaⁿ-tio̍h lí chhin-chhiú chhòng-chō ê thiⁿ, lí só͘ an-pâi ê ge̍h-niû, chhiⁿ-sîn,

⁴ ah, lâng sǹg sím-mi̍h, lí hiah-ni̍h koan-sim? Sè-kan-lâng sǹg sím-mi̍h, lí hiah-ni̍h chiàu-kò͘?

⁵ Lí hō͘ i pí thiⁿ-sài sió-khóa khah kē; lí sù êng-kng chun-kùi chòe hoa-koan kā i tì.

⁶ Lí chí-phài i koán-lí lí chhin-chhiú chhòng-chō ê bān-mi̍h; lí hō͘ i ū koân-pèng chi-phòe it-chhè:

⁷ It-chhè ê iûⁿ kap gû, soaⁿ-iá ê cháu-siù,

⁸ khong-tiong ê pe-chiáu, hái-iûⁿ ê hî-lūi kap oa̍h-mi̍h.

⁹ Siōng Chú — goán ê Chú ah, lí ê ui-giâm phó͘-ki̍p choân-tōe!

The Bible Society in Taiwan

Lean sinn:

Ceanglaichean taic

Sanasan