Bìoball air-loidhne

Si-phian 79 - 現代台語譯本羅馬字版

Kiû Chú Kái-kiù Goán ê Kok-ka
A-sat ê si.

¹ Siōng-tè ah, gōa-pang-lâng chhim-chiàm lí ê léng-thó͘, phah lâ-sâm lí ê sèng-tiān, hō͘ Iâ-lō͘-sat-léng pìⁿ-chòe hong-hòe ê só͘-chāi.

² In chiong lí po̍k-jîn ê sin-si kau hō͘ khong-tiong ê pe-chiáu chòe chia̍h-mi̍h, chiong lí sèng ê chú-bîn ê bah hō͘ tōe-chiūⁿ ê iá-siù thun-chia̍h.

³ In tī Iâ-lō͘-sat-léng chiu-ûi lâu lí chú-bîn ê huih chhin-chhiūⁿ teh piàⁿ-chúi, mā bô lâng kā in bâi-chòng.

⁴ Goán siū-tio̍h keh-piah-kok lêng-jio̍k, hō͘ sì-ûi ê lâng léng-chhiò ki-chhì.

⁵ Siōng Chú ah, lí beh siū-khì jōa kú, kiám beh kàu éng-oán? Lí ê tōa siū-khì chhin-chhiūⁿ hé beh to̍h jōa kú?

⁶ Kiû lí chiong lí ê siū-khì piàⁿ-lo̍h tī hiah-ê m̄ bat lí ê gōa-pang, í-ki̍p hiah-ê bô kiû-kiò lí ê miâ ê lia̍t-kok.

⁷ In-ūi in thun-chia̍h Ngá-kok, hō͘ i khiā-khí ê só͘-chāi pha-hng.

⁸ Kiû lí m̄-thang in-ūi goán chó͘-sian hoān ê chōe hêng-hoa̍t goán; kiû lí chiong lí ê chû-pi kín-kín si-lo̍h hō͘ goán, in-ūi goán hām-lo̍h choa̍t-bāng ê tōe-pō͘.

⁹ Kiù goán ê Siōng-tè ah, kiû lí in-ūi lí ê miâ ê êng-kng pang-chān goán; in-ūi lí ê miâ ê iân-kò͘ kiù goán, sià-bián goán ê chōe.

¹⁰ Ná beh hō͘ lia̍t-kok kóng, “In ê Siōng-tè tī tó-ūi?” Kiû lí ūi-tio̍h lí po̍k-jîn lâu ê huih sin-oan, hō͘ gōa-pang-lâng chai, koh hō͘ goán chhin-ba̍k khòaⁿ--kìⁿ.

¹¹ Kiû lí hō͘ siû-hoān ê thó͘-khùi thàu kàu lí ê bīn-chêng, chiàu lí ê tōa koân-lêng, pó-chûn siū phòaⁿ sí-hêng ê lâng ê sìⁿ-miā.

¹² Chú ah, goán keh-piah-kok tùi lí ê lêng-jio̍k, kiû lí ke-thiⁿ chhit pē hêng hō͘ in.

¹³ Án-ni, goán chòe lí ê chú-bîn, lí chháu-po͘ ê iûⁿ ê lâng, ōe kám-siā lí kàu éng-oán, chheng-chàn lí ê miâ kàu bān sè-tāi.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan