Bìoball air-loidhne

Si-phian 75 - 現代台語譯本羅馬字版

Sím-phòaⁿ-chiá Siōng-tè
A-sat ê si, kau hō͘ sèng-ga̍k-tiúⁿ; tiāu, ēng “M̄-thang húi-hoāi”.

¹ Siōng-tè ah, goán kám-siā lí; goán kám-siā lí, in-ūi lí tī goán sin-piⁿ; goán beh pò-iông lí kî-biāu ê chok-ûi.

² Siōng-tè kóng: Tī só͘ tēng ê ji̍t-chí, góa beh chiàu kong-pêng sím-phòaⁿ.

³ Tōe kap tōe-chiūⁿ ê chū-bîn lóng iô-choah ê sî, góa beh hō͘ tōe ê ki-chhó͘ kian-kò͘ khiā-chāi.

⁴ Góa tùi kiau-ngō͘ ê lâng kóng, “M̄-thang kiau-ngō͘”; tùi pháiⁿ-lâng kóng, “M̄-thang tián-ui,

⁵ m̄-thang chhàng-chhiu, m̄-thang ngī ām-kún kóng tōa-ōe.”

⁶ Lâng ko-seng m̄-sī tùi tang, m̄-sī tùi sai, mā m̄-sī tùi khòng-iá.

⁷ Chí-ū Siōng-tè si-hêng sím-phòaⁿ, I hō͘ chit-ê kàng-kē, hō͘ hit-ê ko-seng.

⁸ Siōng Chú chhiú--ni̍h the̍h poe, kui-poe lóng sī siū-khì ê kāu-chiú. I kā chiú tò--chhut-lâi; tōe-chiūⁿ ê pháiⁿ-lâng lóng lim, lim kàu ta.

⁹ M̄-kú góa beh chhiùⁿ-koa chheng-chàn Ngá-kok ê Siōng-tè, beh éng-oán pò-iông I ê chok-ûi.

¹⁰ Pháiⁿ-lâng ê koân-sè, I ōe chām-tn̄g; gī-lâng ê khùi-la̍t, I ōe ka-kiông.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan