Bìoball air-loidhne

Si-phian 7 - 現代台語譯本羅馬字版

Kî-kiû Kong-gī ê Sím-phòaⁿ
Iú-koan Piān-ngá-bín-lâng Kó͘-si̍t ê tāi-chì, Tāi-pi̍t tùi Siōng Chú chhiùⁿ ê koa.

¹ Siōng Chú — góa ê Siōng-tè ah, kiû lí chòe góa ê pī-lān-só͘ pó-hō͘ góa; kiû lí kái-kiù góa thoat-lī it-chhè tui-kóaⁿ góa ê lâng!

² Nā bô, in ōe chhin-chhiūⁿ sai thiah-li̍h góa, thiah kah chhùi-kô͘-kô͘ mā bô lâng thang kiù góa.

^3-4 Siōng Chú — góa ê Siōng-tè ah, góa ê chhiú nā ū chòe m̄-tio̍h, ū tùi pêng-iú ēng pháiⁿ pò hó, á-sī bô-iân-bô-kò͘ chhiúⁿ-toa̍t te̍k-tùi góa ê lâng; góa nā ū chòe chiah-ê tāi-chì,

⁵ chiū chhut-chāi tùi-te̍k jip góa, kàu lia̍h-tio̍h góa, chiong góa ê sìⁿ-miā ta̍h tī thô͘-kha, chiong góa ê chun-giâm pìⁿ-chòe thô͘-hún.

⁶ Siōng Chú ah, kiû lí khí--lâi, hoat-chhut siū-khì, khiā khí-lâi tùi-hù góa tùi-te̍k ê tōa siū-khì; kiû lí ūi-tio̍h góa chhíⁿ--khí-lâi, chiàu lí ê chí-ì sím-phòaⁿ.

⁷ Goān bān-bîn lóng chū-chi̍p tī lí chiu-ûi; goān lí chē tī pó-chō tī-lí in.

⁸ Siōng Chú sím-phòaⁿ bān-bîn. Siōng Chú ah, kiû lí chhâi-phòaⁿ, phòaⁿ góa chòe gī, tēng góa bô chōe.

⁹ Kiû lí hō͘ pháiⁿ-lâng bōe koh chòe pháiⁿ, hō͘ gī-lâng khiā-chāi; in-ūi kong-gī ê Siōng-tè kàm-chhat lâng ê sim-tn̂g.

¹⁰ Siōng-tè sī góa ê tún-pâi; I chín-kiù sim chèng-ti̍t ê lâng.

¹¹ Siōng-tè sī kong-gī ê sím-phòaⁿ-koaⁿ; I ta̍k-ji̍t tùi put-gī ê lâng hoat siū-khì.

¹² Lâng nā m̄ hoán-hóe, I ōe bôa I ê to, giú-khui I ê keng chún-pī hó-sè.

¹³ I chún-pī tì-miā ê bú-khì; I siā--ê sī hé ê chìⁿ.

¹⁴ Lí khòaⁿ, pháiⁿ-lâng tô͘-bô͘ siâ-ok, hoâi-īn to̍k-hāi, siⁿ-chhut kan-chà.

¹⁵ I ó͘ khut, ku̍t hō͘ i chhim, kèng-jiân poa̍h-lo̍h ka-kī siat ê hām-chíⁿ.

¹⁶ I ê to̍k-hāi ōe tò-tńg kàu ka-kī ê thâu-khak; i ê kiông-pō ōe lak tī ka-kī ê thâu-khak téng.

¹⁷ Góa beh in-ūi Siōng Chú ê kong-gī kám-siā I; góa beh chheng-chàn Siōng Chú — Chì-koân Siōng-tè ê miâ.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan