Si-phian 67 - 現代台語譯本羅馬字版

Kám-un ê Si
Chi̍t phiⁿ si-koa, kau hō͘ sèng-ga̍k-tiúⁿ; ēng hiân ê ga̍k-khì phōaⁿ-chàu.

¹ Goān Siōng-tè lîn-bín goán, sù-hok hō͘ goán; goān lí ēng jîn-chû khoán-thāi goán,

² thang hō͘ choân sè-kài chai lí ê chí-ì, hō͘ bān-kok bat lí ê kiù-un.

³ Siōng-tè ah, goān sè-kan-lâng lóng chheng-chàn lí, bān-bîn lóng o-ló lí!

⁴ Goān bān-kok khoài-lo̍k, chhiùⁿ-koa hoaⁿ-hí! In-ūi lí chiàu kong-gī sím-phòaⁿ bān-bîn, ín-chhōa sè-chiūⁿ bān-kok.

⁵ Siōng-tè ah, goān sè-kan-lâng lóng chheng-chàn lí, bān-bîn lóng o-ló lí!

⁶ Thó͘-tōe ū seng-sán ngó͘-kok; Siōng-tè, goán ê Siōng-tè ū sù-hok hō͘ goán.

⁷ Goān Siōng-tè sù-hok hō͘ goán! Goān choân-tōe lóng kèng-ùi I!

The Bible Society in Taiwan

Lean sinn:

Ceanglaichean taic

Sanasan