Bìoball air-loidhne

Si-phian 64 - 現代台語譯本羅馬字版

Kî-kiû Siōng-tè Pó-hō͘
Tāi-pi̍t ê si, kau hō͘ sèng-ga̍k-tiúⁿ.

¹ Siōng-tè ah, góa bâi-oàn ê sî, kiû lí thiaⁿ góa ê siaⁿ; kiû lí pó-hō͘ góa ê sìⁿ-miā bián kiaⁿ tùi-te̍k ê hām-hāi.

² Kiû lí chiong góa khǹg-ba̍t, hō͘ góa thoat-lī siâ-ok ê lâng ê im-bô͘, thoat-lī chòe pháiⁿ ê lâng ê kè-bô͘.

³ In bôa in ê chi̍h chhin-chhiūⁿ bôa to; in ēng ok-to̍k ê ōe chòe chìⁿ teh biâu-chún,

⁴ bâi-ho̍k beh siā bû-ko͘ ê lâng; in hut-jiân siā i, chhiú mā bô chhoah.

⁵ In chham-siông pháiⁿ kè-bô͘; àm-tiong siat-kè, tiuⁿ lô-bāng, kóng, “Siáⁿ-lâng ōe khòaⁿ-tio̍h lán?”

⁶ In tô͘-bô͘ pháiⁿ-tāi, kóng, “Goán í-keng ū siūⁿ-chhut siōng cheng-bi̍t ê kè-bô͘.” Lâng ê sim-su liām-thâu si̍t-chāi ū-kàu khúi-chà.

⁷ M̄-kú Siōng-tè beh ēng chìⁿ siā in; in ōe hut-jiân tio̍h-siong.

⁸ In ōe hō͘ ka-kī kóng ê ōe hāi-sí; khòaⁿ--kìⁿ ê lâng lóng ōe iô-thâu.

⁹ Chèng-lâng lóng ōe kiaⁿ-hiâⁿ, beh pò-iông Siōng-tè ê só͘-chòe, siông-sè siūⁿ I ê chok-ûi.

¹⁰ Gī-lâng ōe in-ūi Siōng Chú lâi hoaⁿ-hí, mā ōe óa-khò I tit-tio̍h an-choân. Só͘-ū sim chèng-ti̍t ê lâng lóng ōe chheng-chàn I.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan